ఉచిత ఆపరేటింగ్ సిస్టం వాడేవారు సరైన ప్రింటర్ని ఎంచుకోవడం ఎలా?

 వ్యక్తుల నుండి మొదలుకొని చిన్న, మధ్య అంతెందుకు పెద్ద సంస్థలు కూడా వ్యయ నియంత్రణలో బాగంగా సాఫ్ట్ వేర్లకు వేలకువేలు పోయడం మాని  ఉచిత స్వేచ్ఛా ఆపరేటింగ్ సిస్టంల వైపు చూస్తున్నారు. అంతేకాకుండా నఖిలీ సాఫ్ట్ వేర్లను వాడడం అంటే అవమానంగా భావించేవారి సంఖ్య బాగా పెరగడం వలన, కనీస సాంకేతిక పరిజ్ఞానం గలవారు పెరగడం, అంతర్జాలం తక్కున ధరకు అందుబాటులోకి రావడం, బ్లాగులు సామాజిక అనుసంధాన వేధికలలో మెళకువలు మరియు చర్చల ఫలితంగా ఉచిత స్వేచ్ఛా ఆపరేటింగ్ సిస్టం వాడేవారి సంఖ్య గణనీయంగా పెరిగింది.
 ఉచిత ఆపరేటింగ్ సిస్టం వాడెవారు తమకి తగిన పరికరాలను కొనుక్కోవడం ద్వారా అంటే ఉచిత స్వేచ్ఛా ఆపరేటింగ్ సిస్టంలకి తగిన డ్రైవర్ల మధ్దతు అందిస్తున్న సంస్థలచే తయారుచేయబడిన పరికరాలను కొనుగోలు చేయడం వలన మనం ఇబ్బంది లేకుండా ఆ పరికరాలను వాడుకోవడమే కాకుండా ఉచిత స్వేచ్ఛా సాఫ్ట్వేర్ సంసృతికి మధ్దతు ఇచ్చిన వాళ్ళము అవుతాము. దానితో మిగిలిన సంస్థలు కూడ తమతమ పరికరాలను ఉచిత స్వేచ్ఛా ఆపరేటింగ్ సిస్టంలలో పనిచేసే విధంగా తయారుచేయడం అనివార్యమవుతుంది. దీని వలన ఒకే సంస్థ యొక్క గుప్తాదిపత్యం తగ్గి తయారీ సంస్థల మధ్య పోటి పెరిగి వినియోగదారులకు సరసమైన ధరలకు పరికరాలు లభిస్తాయి.
 ఇకఉచిత స్వేచ్ఛా ఆపరేటింగ్ సిస్టంలకు పూర్తి స్థాయి మధ్ధతునిచ్చు ప్రింటర్ల విషయానికొస్తే వాటిలో అగ్రస్థానం నిస్సంధేహంగా హెచ్.పి. వాడివే. చాలా విభాగాల్లో అగ్రస్థానంలో ఉన్న హెచ్.పి. వాడు తమ ప్రింటర్లు ఉచిత స్వేచ్ఛా ఆపరేటింగ్ సిస్టంలలో పనిచేసే విధంగాతయారుచేయడమే కాకుండా వాటికి తగిన డ్రైవర్ల మధ్దతు కూడా అందించడం నిజంగా చాలా మంచి విషయం. ఇప్పటికే వివిధ పరికరాల తయారిధారులు మధ్దతునిస్తున్నప్పటికి కొన్ని పరికరాల తయారీధారులు కొన్ని సంస్థల చేతిలో బందీలై తమ పరికరాలను ఉచిత స్వేచ్ఛా ఆపరేటింగ్ సిస్టంలలో పనిచేయకుండా చేయడం ద్వారా వాణిజ్య ఆపరేటింగ్ సిస్టంలను కొనేటట్లుగా వారికి పరోక్షంగా సహకరిస్తున్నారు. వారుకూడా బుద్దిగా హెచ్.పి. వాడిలా వినియోగధారులను వాణిజ్య సాఫ్ట్వేర్లను బలవంతంగా కొనేటట్లు చేయకుండా ఉచిత స్వేచ్ఛా ఆపరేటింగ్ సిస్టంలలో పనిచేసే విధంగా పరికరాలను తయారుచేసి, వాటికి సరైన డ్రైవర్ల మధ్దతునివ్వడం ద్వారా వినియోగధారులని వారిష్టం వచ్చిన ఆపరేటింగ్ సిస్టం వాడుకొనేటట్లు గౌరవిస్తే ఆయా పెద్ద సంస్థల కిటికీలను మూసి మనం ఉచిత స్వేచ్ఛా ఆపరేటింగ్ సిస్టంలకి తలుపులు తెరుచుకోవచ్చు. 
  హెచ్.పి. వాడు తన ప్రింటర్లకి ఉచిత స్వేచ్ఛా ఆపరేటింగ్ సిస్టంలలో పనిచేయడం కోసం Hewlett-Packard Linux Imaging & Printing అన్న పరిష్కారాన్ని అందిస్తున్నాడు. 2220 వివిధ రకాల ప్రింటర్లు ముద్రణకి, స్కానింగ్ మరియు ఫాక్స్ కి మధ్ధతినిచ్చు విధంగా తయారుచేసిన HPLIP పూర్తిగా స్వేచ్ఛా సాఫ్ట్వేర్. డెబియన్, ఉబుంటు, మింట్ మరియు ఫెడోరా వంటి అన్ని ప్రసిధ్ది పొందిన ఉచిత స్వేచ్ఛా ఆపరేటింగ్ సిస్టంలలో పనిచేస్తుంది. పూర్తి సమాచారం మరియు HPLIP డౌన్లోడ్ మరియు ఇన్స్టాల్చేయు విధానం కొరకు ఇక్కడ చూడవచ్చు. కనుక ఉచిత స్వేచ్ఛా ఆపరేటింగ్ సిస్టం వాడేవారు HP ప్రింటర్లను వాడడం మేలు.

సర్వాంతర్యామి 3.9 విడుదలైంది

 విశ్వవ్యాప్తంగా ఫోన్లు, టాబ్లెట్లు, డెస్క్ టాప్లు, లాప్ టాప్లు, సర్వర్లు మరియు వివిధ పరికరాలలో కొలువైఉన్న ఆపరేటింగ్ సిస్టములకు వెన్నుముకగా ఉండి నిరంతర వేగవంతమైన అభివృధ్దిలో ఉన్న సర్వాంతర్యామి(ప్రపంచంలో అత్యధిక పరికరాల్లో వాడబడుతున్నది) అయిన లినక్స్ కర్నెల్ యొక్క కొత్త వెర్షన్ 3.9 చాలా అధనపు విశిష్టతలను కలుపుకొని విడుదలైంది.వాటిలో ముఖ్యమైనవి
  • మెరుగుపరిచిన ఫైల్ సిస్టం (Btrf, EXT4, F2FS) పనితీరు.  
  • అభివృధ్ది పరచిన పవర్ మేనేజ్మెంట్.
  • మెరుగుపరిచిన ARM ప్రాససర్ల పనితీరు.
  • లినక్స్ ఆడియో మరియు ధ్వని మెరుగుదల.
  • మరిన్ని ప్రాససర్లకు మధ్దతు(ARC700).
  • వేగవంతమైన SSD పనితీరు.
  • మెరుగుపరిచిన వివిధ డివైస్ డ్రైవర్ల పనితీతు, అధనంగా కలుపబడిన మరిన్ని గ్రాఫిక్ మరియు వివిధ పరికరాలకు సంబందించిన డ్రైవర్లు.
  • క్రోం ఆపరేటింగ్ సిస్టం కి సంపూర్ణమైన మధ్దతు.
మరిన్ని విశిష్టతల సమాహారం ఇక్కడ చూడండి.

అతిధి ఖాతా(గెస్ట్ అకౌంట్)ని తొలగించడం ఎలా?

  ఆపరేటింగ్ సిస్టం ఇన్ స్టాల్ చేసినపుడు వాడుకరి ఖాతా తో పాటు విధిగా అతిధి ఖాతా కూడా ఏర్పరుచుకుంటుంది. ఒకవేళ మనసిస్టం నుండి భద్రతా కారణాల రీత్యా అతిధి ఖాతా అవసరం లేదనుకుంటే అతిధి ఖాతాని తొలగించవచ్చు, తిరిగి పొందవచ్చును. ఉబుంటు ఆపరేటింగ్ సిస్టం వాడేవారు క్రింద చూపిన కమాండ్లను టెర్మినల్ లో నడిపి సులభంగా అతిధి ఖాతాని చిటికెలో తొలగించవచ్చు, కావలసినపుడు తిరిగి పొందవచ్చు.

అతిధి ఖాతాని కనిపించకుండా చేయడానికి:

sudo /usr/lib/lightdm/lightdm-set-defaults -l false

అతిధి ఖాతాని తిరిగి కనిపించేలా చేయడానికి

sudo /usr/lib/lightdm/lightdm-set-defaults -l true

ప్రపంచంలో ఎక్కువగా వాడబడుతున్న మూడవ ఆపరేటింగ్ సిస్టం ఉచితంగా డౌన్లోడ్ చేసుకోండి

 ప్రపంచంలో ఎక్కువగా వాడబడుతున్న ఆపరేటింగ్ సిస్టంలలో మూడవది, ఎక్కువగా వాడబడుతున్న ఉచిత ఆపరేటింగ్ సిస్టంలలో  మొదటిది అయిన ఉబుంటు యొక్క సరికొత్త వెర్షను ఈరోజు విడుదలైనది. ఉబుంటు 13.04 ఇప్పటి వరకు వచ్చిన ఉబుంటు వెర్షనులలో వేగవంతమైన, ఆకర్షణీయమైన ఆపరేటింగ్ సిస్టంగా చెప్పవచ్చు. దీనిని ఇక్కడ నుండి నేరుగా  ఉచితంగా దింపుకోచ్చు.




ఉబుంటు 13.04 డెస్క్ టాప్ 32 బిట్ టొరెంట్ డౌన్లోడ్

 డౌన్లోడ్ చేసుకున్న ఆపరేటింగ్ సిస్టం ఇమేజిని ఇక్కడ తెలిపినట్లు చాలా సులభంగా ఇన్ స్టాల్ చేసుకోవచ్చు.



ఇప్పటికే ఉబుంటు వాడుతున్నట్లయితే తిరిగి ఇన్ స్టాల్ చేయనక్కరలేకుండా నేరుగా కొత్త వెర్షనుకి అప్ గ్రేడ్ చేసుకోవచ్చు. 

ఉత్తమ ఉచిత ఆపరేటింగ్ సిస్టం 13.04 విడుదలైంది

 వేలకివేలు పోసి కొనే వాణిజ్య ఆపరేటింగ్ సిస్టం లకి బలమైన ప్రత్యామ్నాయంగా ఎదుగుతున్న ఉబుంటు తరువాతి వెర్షను అయిన ఉబుంటు 13.04 విడుదలైనది. పెద్దమొత్తంలో పనితీరులో మెరుగుదలలతో ఆకర్షణీయమైన, చూడగానే ఆకట్టుకునే రూపంతో సరికొత్త వెర్షన్ సాఫ్ట్వేర్లతో ఉబుంటు 13.04 విడుదలైనది. ఇప్పటి వరకు వచ్చిన ఉబుంటు విడుదలలో స్థిరమైన, వేగవంతమైన, ఆకర్షణీయమైన ఉబుంటు వెర్షనుగా దీనిని చెప్పుకోవచ్చు. ఉబుంటు కొత్త వెర్షనులో మార్పులు క్రింది చిత్రాలలో గమనించవచ్చు.
సరికొత్త ఐకాన్లు
మోనో ఐకాన్ల తో ఫైల్ బ్రౌజర్ నాటిలస్
ఉబుంటు వన్ మెనూ
బ్లూటూత్ మెనూ
Alt+Tab 
డాష్ అనువర్తనాల ప్రివ్యూ
డాష్ స్క్రోల్ బార్
డాష్ ఫైళ్ళ ప్రివ్యూ
సరికొత్త వెర్షను లెబ్రేఆఫీస్
కొత్త వాల్ పేపర్లు
విండోల మద్య త్వరగా విహరించడానికి
సిస్టం ఆపివేయునపుడు
సిస్టం లాగవుట్ చేయునపుడు

ఆండ్రాయిడ్ కి నేరుగా మద్దతు
కొత్త అప్ డేట్ మేనేజర్

మార్చిన ఆన్ లైన్ అకౌంట్లు
  ఉబుంటు 13.04 యొక్క మరిన్ని విశిష్టతలు క్రింది వీడియోలో చూపించబడ్డాయి.

ఉబుంటు ఎన్ని రకాలు?

 ప్రముఖ ఒపెన్ సోర్స్ ఆపరేటింగ్ సిస్టం అయిన ఉబుంటు మనకు వివిధ రకాలుగా అందుబాటులో ఉంది. ఉబుంటు డెస్క్ టాప్, ఉబుంటు సర్వర్, ఉబుంటు టచ్(టాబ్లెట్లు,ఫోన్లు) మరియు ఉబుంటు టివి అని ఆయా పరికరాలకు ఉబుంటు ఆపరేటింగ్ సిస్టం లభిస్తుంది. ఇక ఉబుంటు డెస్క్ టాప్ ఆపరేటింగ్ సిస్టం మనకి 32బిట్ మరియు 64బిట్ లలో లభిస్తుంది. 
 ఇవి కాకుండా ఉబుంటు డెస్క్ టాప్ ఆపరేటింగ్ సిస్టం ని మనం వేరువేరు రూపాలతో వేరువేరు పేర్లతో చూస్తుంటాము. వాటిలో అధికారిక గుర్తింపు పొందినవి.
 ఇవి కాకుండా వివిధ భాషలలో కమ్యూనిటి చే స్థానికీకరణ చేయబడిన, వేరువేరు పనులని ఉద్దేశించి తయారుచేయబడిన వివిధ రూపాంతరాల తో పాటు ఉబుంటు ఆధారిత ఆపరేటింగ్ సిస్టం లు (లినక్స్ మింట్ వంటివి)చాలా ఉన్నాయి. వాటిని గురించి ఇక్కడ చూడవచ్చు.

మీ స్వేచ్ఛను రెట్టింపు చేసుకోండి

 వేలకువేలు వెచ్చించనవసరం లేకుండా ఉచితంగా దొరికే లిబ్రే ఆఫీస్ ప్రముఖ వాణిజ్య ఆఫీస్ అనువర్తనాలకు చక్కని ప్రత్యామ్నాయంగా చెప్పుకోవచ్చు. ఇప్పుడు లిబ్రే ఆఫీస్ అందించే అన్ని సదుపాయాలను ఇన్ స్టాల్ చేయనవసరం లేకుండానే వాడుకోవచ్చు. మనకు అవసరం వచ్చినపుడు వాడుకోవడానికి అనువుగా తయారుచేయబడిన లిబ్రే ఆఫీస్ పోర్టబుల్ మనతో పాటు పెన్ డ్రైవ్ లో తీసుకుపోయి ఎప్పుడైనా ఎక్కడైనా వాడుకోవచ్చు. లిబ్రే ఆఫీస్ పోర్టబుల్ కూడా ఉచిత స్వేచ్ఛా సాఫ్ట్వేర్. లిబ్రే ఆఫీస్ పోర్టబుల్ ని క్రింది లంకె నుండి దింపుకోవచ్చు.

అన్నిరకాలైన సందేశాలను తీసుకెళ్ళే ఈ పావురం ఉచితంగా మీకోసం

 మనం సాదారణంగా చాట్ చేయడానికి యాహు మెసెంజర్, గూగుల్ టాక్ మరియు పేస్ బుక్ చాట్ వంటి వివిధ అప్లికేషనలని వాడుతుంటాము. విడివిడిగా వివిధ చాటింగ్ అనువర్తనాలను ఇన్ స్టాల్ చేసుకోవడం వలన సిస్టం నెమ్మదించవచ్చు. అన్ని రకాల చాట్ సర్వీసులని వాడుకోగలిగిన ఒకే మెసెంజర్ అప్లికేషన్ ఉంటే బాగుంటుందికదూ? అది ఉచితంగా దొరికితే ఇంకా బాగుంటుంది కదా?


 దానికి సమాదానమే పిడ్గిన్ యూనివర్సల్ చాట్ క్లయింట్. ఇది మనకు అందుబాటులో ఉన్న దాదాపు అన్ని చాట్ సర్వీసులతో పనిచేస్తుంది. దీనిని ఉపయోగించి పలురకాల చాట్ సర్వీసులలో ఒకేసారి ,ఒకే సర్వీసులో వేరువేరు ఖాతాలను ఉపయోగించి ఒకేసారి చాట్ చేసుకోవచ్చు. మనకు కావలసిన అధనపు విశిష్టతలను అందుబాటులో ఉన్న అనేక ప్లగిన్ లను ఉపయోగించి పొందే అవకాశము కలదు. చాట్ చేయడమే కాకుండా ఫైళ్ళను పంపుకోవడం, బడ్డి చిహ్నాలు, వివిధ రకాల స్మైలీలు, కావలసినట్లు మన స్థితిని చూపించు సందేశాన్ని మార్చుకోవడం మరియు వివిధ చాట్ సర్వీసులలో ఉండు వివిధ విశిష్టతలు కలిగి ఉండుట దీని ప్రత్యేకత.
 విండోసు, మాక్ మరియు అన్ని లినక్స్ ఆపరేటింగ్ సిస్టం లలో ఇన్ స్టాల్ చేసుకోవచ్చు. ఆయా ఆపరేటింగ్ సిస్టం లకి తగినట్లు వాటి సిస్టం ట్రేలో ఒదిగిపోతుంది. ఇంతగా ఉపయోగపడే ఈ అప్లికేషన్ ఎటువంటి ప్రకటనలు లేని పూర్తిగా ఉచిత స్వేచ్ఛా సాఫ్ట్వేర్. ఇది ఒపెన్ సోర్స్ అప్లికేషన్ కావడం వలన ఎవరైనా ఉచితంగా వాడుకోవచ్చు. దీని సోర్స్ కోడ్ ని తమకు తగినట్లుగా మార్చుకొని తిరిగి వేరొకరితో పంచుకోవచ్చు. ఉబుంటు వాడేవారు ఉబుంటు సాఫ్ట్వేర్ కేంద్రము నుండి నేరుగా ఇన్ స్టాల్ చేసుకోవచ్చు. ఇప్పటికే ప్రపంచవ్యాప్తంగా తెలుగుతో పాటు పలు భాషలలో లభిస్తున్నది. డౌన్లోడ్ చేసుకోవడానికి పైన ఉన్న పిడ్గిన్ బొమ్మని నొక్కండి.

మీరు నకిలీ సాఫ్ట్ వేర్ యొక్క బాధితులా?You may be a victim of software counterfeiting.












పైన చిత్రాలు మనం తరచు చూస్తూనే ఉంటాము. వ్యక్తిగత కంప్యూటర్లు మొదలుకొని దుకాణాలు, కార్యాలయాలు చాలా చోట్ల అందరికి చిరపరిచయమైన ఈ సమస్యకి మరి పరిష్కారం లేదా?
 దీనికి ఇప్పటికే ఎన్నో పరిష్కారాలు అంతర్జాలంలో మనకి లభిస్తున్నాయి. వాటిలో చాలా సులువైనది సిస్టమును అప్ డేట్ చేయకుండా ఉండడం. సాఫ్ట్వేర్ అప్ డేట్ లేకపోతే మన సిస్టం కి బధ్రత కరువైనట్లే. మనకి అందుబాటు లో ఉన్న మిగిలిన మార్గాలలో చట్టబద్దత ఎంత? 
మరి దీనికి పరిష్కారం?
 లేకే నకిలీ సాఫ్ట్వేర్లని వాడకపోవడమే.
చెప్పడానికి బానే ఉంది కాని వేలు పోసి కొనాలి. నాకంత స్థోమత లేదు. మరి మీరిస్తారా?
 సాఫ్ట్వేర్ అంటే కొనాలి/నకిలీదే కాదు ఉచితంగా లభించేవి కూడా ఉన్నాయి. మనం చేయ్యాల్సిందల్లా కేవలం నకిలీ సాఫ్ట్వేర్ వాడే అలవాటును వదులుకోవడమే. మీరిస్తారా అని అడిగారు కదా. కాదు నేను కేవలం సమాచారాన్ని మాత్రమే ఈ బ్లాగు ద్వారా అందిస్తాను. ఉచిత సాఫ్ట్వేర్లా లేదా నకిలీ వాడాలా అన్నది నిర్ణయించుకోవలసింది వాడేవారే. లాభాపేక్షలేని వ్యక్తులు సంస్థలు ఇప్పటికే ఎన్నో ఉచిత స్వేచ్ఛా సాఫ్ట్వేర్లను తయారుచేసాయి. ఇప్పటికే వాటిలో చాలా వాటికి చాలా మంది వాడి నకిలీల బెడదను వదిలించుకున్నారు. 
ఉచితంగా దొరికే అనామకులు తయారుచేసిన సాఫ్ట్వేర్ల కన్న నకిలీ అయినప్పటికి పెద్ద సంస్థలు తయారుచేసిన వాటిని వాడడం మేలు కదా?
 అనామకులని తీసిపారేయకండి. పెద్దవాళ్ళ సాఫ్ట్వేర్లకి గర్వభంగం కలిగించిన ఉచిత సాఫ్ట్వేర్లను గురించి చెపెతే చాంతాడంత ఉంటది. ఉధాహరణకు పైర్ ఫాక్స్, వియల్సి, ఆండ్రాయిడ్, ఉబుంటు, లినక్స్ మింట్, 7జిప్, వర్డ్ ప్రెస్, ఒపెన్ ఆఫీస్, లిభ్రే ఆఫీస్, తండర్ బర్డ్, వికీపీడియా ఇలా చాలా ఉన్నాయి.
ఎవరైనా వాడుతున్నారా?
చాలామంది వ్యక్తులు వాడుతున్నారు. పెద్ద సంస్థలు కూడా ఉచిత సాఫ్ట్వేర్ల జపం చేస్తున్నాయి. గూగులోడు, నాసావోడు వాడగా లేనిది మనం వాడలేమా.
 ఇంక అనుమానం ఎందుకు మన రక్తంలో, సంసృతిలో, చదువుల్లో ఇంకిపోయిన ఈ నకిలీని సాగనంపు.
 మనం వాడే నకిలీ ఆపరేటింగ్ సిస్టంకి ప్రత్యామ్నాయంగా, ప్రపంచంలో ఎక్కువగా వాడబడుతున్న ఉచిత ఆపరేటింగ్ సిస్టములని ఇక్కడ చూడవచ్చు. వాటిల్లో మనకు నచ్చినది నప్పేది మనం ఉచితంగా వాడుకోవచ్చు.

అంతర్జాలంలో తెలుగు వ్యాప్తికి కృషి చేస్తున్న

 తెలుగుని కంప్యూటర్లో చూడవచ్చు, వ్రాయవచ్చని, తెలుగులో జాలాన్ని అన్వేషించవచ్చునని అందరికి తెలియజేయడానికి, రోజువారీ సంభాషణలని తెలుగులో జరుపుకోవడాన్ని ప్రోత్సహించడానికి, తెలుగులో అందుబాటులో ఉన్న అంతర్జాల సేవలను అందరికి తెలియజేయడానికి, సాఫ్ట్వేర్ల తెలుగీకరణని ప్రోత్సహించడానికి ఏర్పడిన సంస్థ e-తెలుగు. తెలుగువారందరూ తమ అవసరాలకి కంప్యూటర్లనూ, మెబైళ్ళనూ, అంతర్జాలాన్నీ తెలుగులో వాడుకోగలగాలనే స్వప్నంతో ఆ దిశగా కృషిచేస్తున్న లాభాపేక్షలేని సంస్థ e-తెలుగు. ఆంద్రప్రదేశ్ ప్రభుత్వం వద్ద నమోదయిన ఈ సంస్థ యొక్క అధికారిక వెబ్‌సైటు www.etelugu.org
  అంతర్జాలంలో బ్లాగులు, గుంపులు వంటి వివిధ వేదికల ద్వారా తెలుగు బ్లాగరులు నిత్యమూ కలుసుకుంటూండేవారు. ముఖాముఖి కూడా కలిస్తే బాగుంటుందని ఆలోచించి 2006 మార్చి 12 న మొదటి సారి హైదరాబాదులో సమావేశమయ్యారు. అప్పటినుండి, ప్రతీనెలా రెండవ ఆదివారం నాడు హైదరాబాదు తెలుగు బ్లాగరులు, వికీపీడియనులు సమావేశమౌతూ వస్తున్నారు. ఈ సమావేశాలలో తెలుగు బ్లాగుల గురించిన సాధకబాధకాల గురించీ వికీపీడియా పురోగతి గురించీ చర్చించేవారు. తెలుగువారికి వీటిని గురించి తెలియజెయ్యడానికి ఏమేం చెయ్యాలి అన్న విషయాల గురించి కూడా చర్చిస్తూ ఉండేవారు. ముందుగా అతి తక్కువ శ్రమతో కంప్యూటరులో తెలుగు కనిపించేలా చేసుకోవచ్చనీ, ఇంగ్లీషులోలానే తెలుగులోనూ ఉత్తర ప్రత్యుత్తరాలు జరుపుకోవచ్చనీ, తెలుగువారికి తెలియజెయ్యాల్సిన అవసరం ఉందని గ్రహించారు. ఈ అంశాలను ప్రచారం చేసి, మరింతమంది ఔత్సాహికులను చేర్చుకొంటే, మరిన్ని పనులను, మరింత త్వరగా చేయగలమని భావించారు.  ఈ కార్యక్రమాలన్నిటినీ ఒక గొడుగు కిందకు చేర్చి, ఒక లాభాపేక్ష లేని సంస్థ ఆధ్వర్యంలో చేస్తే మెరుగైన ఫలితాలను సాధించవచ్చని భావించి e-తెలుగుని ఏర్పాటుచేసారు.
 e-తెలుగు కంప్యూటరులో తెలుగును స్థాపించుకోవడంలో ఎదురయ్యే ఇబ్బందులను అధిగమించడానికి అవసరమైన సాంకేతిక సహాయం అందిస్తుంది. ఇందుకవసరమైన సాఫ్టువేరు ఉపకరణాలను కూడా తయారుచేసి ఉచితంగా అందిస్తుంది. తెలుగులో టైపు చేసేందుకు అవసరమైన సహాయాన్ని అందిస్తుంది. లిప్యంతరీకరణకు అవసరమైఅన ఉపకరణాల గురించి ప్రచారం చేస్తుంది. ఇప్పటికే వివిధ కీబోర్డు లేఔట్లను వాడి తెలుగులో టైపు చేస్తున్నవారికి అవే లేఔట్లను వాడి యూనికోడులో కూడా టైపు చేసేందుకు అవసరమైన సాఫ్టువేరు ఉపకరణాలను తయారుచేసి, ఉచితంగా అందుబాటులో ఉంచింది. ఈ విషయమై ప్రచారమూ చేస్తోంది. అంతర్జాలంలో తెలుగు వ్యాప్తికై చేసే కృషిలో భాగంగా బ్లాగులను, వికీపీడియాను, వెబ్ పత్రికలను, ఇతర తెలుగు వెబ్‌సైట్లను తెలుగువారికి పరిచయం చేస్తోంది. వివిధ సాఫ్టువేరు ఉపకరణాల స్థానికీకరణ గురించి తెలియని వారికి తెలియజేస్తూ, తెలిసిన వారికి వాటికి సంబంధించిన విషయాలలో సాంకేతిక సహాయం అందిస్తూ ప్రోత్సహిస్తోంది.

ఇక్కడ ఉచిత సాఫ్ట్వేర్లు దొరుకుతాయి

 ఉబుంటు ఆపరేటింగ్ సిస్టం వాడే వారికి ఉపయోగపడే అప్లికేషనులు అన్ని ఒకే చోట లభించు చోటు ఉబుంటు ఆప్ డైరెక్టరీ. దీనిని ఉబుంటు సాఫ్ట్వేర్ సెంటర్ కి వెబ్ ప్రతిరూపంగా చెప్పుకోవచ్చు. ఉబుంటు సాఫ్ట్వేర్ సెంటర్ లో మాదిరిగానే ఇక్కడ కూడా అప్లికేషన్ లు విభాగాల వారిగా కొలువుదీరి ఉన్నాయి. అప్లికేషన్ యొక్క విశిష్టతలు వాడిన వారి అభిప్రాయాలను ఇక్కడ చూడవచ్చు.

మీ వెబ్ విహరిణిని పర్యావరణానికి మేలు చేయునట్లుగా మార్చుకోండి

 మనం అంతర్జాలంలో విహరిస్తున్నపుడు మనకు కావలసిన ఉపయోగపడే సమాచారం కనిపించినపుడు దానిని ముద్రించుకోవడం  లేదా మన కంప్యూటరులో బధ్రపరచుకుంటు ఉంటాము. మనం వెబ్ విహరిణి నుండి ముద్రించు కోవాలని చూసినపుడు మనం తరచు ఎదుర్కొనే సమస్య మనకు అవసరం లేని సమాచారంతో(వ్యాపార ప్రకటనలు) సరిగా లేని పేజి అమరికతో ఒక పేజితో పోయేది రెండు మూడు పేజిలు వృధా అవుతుంటాయి. ఇప్పుడు మీరు చదవబోయే చిన్న చిట్కా వలన పొందికైన పేజి అమరికతో పాటు సరిగ్గా సాధికారంగా మనకు కానలసిన సమాచారాన్ని మాత్రమే ముద్రించుకోవడం ద్వారా మనం గణనీయంగా పేజిలు ఆధా చేయవచ్చు. దానివలన పేజి మరియు ముద్రణ వెల తగ్గడంతో పాటు పరోక్షంగా పర్యావరణానికి మేలు చేయవచ్చు. సమాచారాన్ని కంప్యూటరులో బధ్రపరచుకోవాలనుకునే వారు పొందికైన పేజి అమరికతో పాటు సరిగ్గా సాధికారంగా మనకు కానలసిన సమాచారాన్ని మాత్రమే పిడియఫ్ లోకి మార్చుకొని కావలసినపుడు చదువుకోవచ్చు.
 మొదట మనం చేయవలసింది http://www.printfriendly.com/browser_tool అను లంకెకు వెళ్ళి ఆక్కడ ఇవ్వబడిన Print Friendly అన్న నీలిరంగు బొత్తాన్ని లాగి మన విహారిణి యొక్క బుక్ మార్క్ పట్టిలో పడవేయాలి. అంతే మన వెబ్ విహారిణి పర్యావరణ హితంగా మారిపోతుంది. మనం ఎదైనా వెబ్ పేజిని మద్రించు కోవాలని గాని బద్రపరుచుకోవాలని అనుకుంటే బుక్ మార్క్ పట్టిలో ఉన్న  Print Friendly ని నొక్కితే మన సమాచారం ముద్రించుకోవడానికి అనుగుణంగా మార్చబడుతుంది. మనకు అవసరం లేని సమాచారాన్ని ఒక నొక్కుతో తొలగించుకొని, అక్షరాల పరిమాణాన్ని తగినట్లు మార్చుకొని మన సమాచారాన్ని మాత్రమే మంచి పేజి అమరికతో ముద్రించుకోవడం గాని పిడియఫ్ గా కాని బద్రపరుచుకోవచ్చు లేదా నేరుగా మెయిల్ చేసుకోవచ్చు.

మీ బ్లాగు లేదా సైటుని పర్యావరణ హితంగా మార్చండి

 ఈ పోస్ట్ మన బ్లాగుని చూసే వారికి సహాయపడే విధంగాను, పర్యావరణానికి మేలు చేయునట్లు బ్లాగుని ఎలా మార్చుకోవాలో వివరిస్తుంది. మన పోస్ట్ లో ఉన్న ఉపయుక్తకరమైన సమాచారం చూసినవారికి నచ్చి దానిని తరువాత చదువుకోవడంకోసం వారు ఆ సమాచారాన్ని దాచుకోవాలనుకుంటే రకరకాల పద్దతులు వాడుతుంటారు. ఎటువంటి ప్రయాస పడకుండా మన బ్లాగులోనే ముద్రించుకోవడం లేదా పిడియఫ్ గా మార్చే బటన్ ని ఉంచడం వలన సమాచారాన్ని సంధర్శకుడు ముద్రించుకోవడం లేదా పిడియఫ్ కి అనుగుణంగా మార్చుకోగలిగితే మన బ్లాగుని చూసే వారికి సహాయపడినట్లే. అంతే కాకుండా ఆ సమాచారాన్ని ముద్రణకి అనువుగా అందించగలిగితే పేజిలను ఆదా చేయడం ద్వారా పర్యావరణానికి మేలుచేసినట్లే. ఈ చిన్న మార్పు మీ బ్లాగులో చేసినట్లయితే చాలా ఉపయోగకరంగా ఉంటుంది. 
 మొదట http://www.printfriendly.com/button అన్న పేజికి వెళ్ళి అక్కడ చూపిన మూడు సోపానాలను పాటించడమే. మనం బ్లాగు అంటే బ్లాగరా, వర్డ్ ప్రెస్ అని ఎంచుకొని, బటన్ నమూనాని ఎంచుకోని, తరువాత ఆ పేజిలో క్రింద ఇవ్వబడిన స్క్రిప్టుని మన సైటు లేదా బ్లాగులో ఉంచడమే. 

ఈవిధంగా వచ్చిన కోడ్ ని క్రింద చూపినట్లు మన బ్లాగుకి చేర్చుకోవాలి.


డాష్ బోర్డ్ - లేఅవుట్ - గాడ్జెట్ని చేర్చు - HTML/Java script లో పైన కాపి తీసుకున్న కోడ్ ని ఉంచి మార్పులని బద్రపరుచుకోవాలి. అంతే ముద్రించుకోవడం లేదా పిడియఫ్ గా మార్చే బటన్ మీబ్లాగు సంధర్శకులకి సేవలందించడానికి సిధ్దంగా ఉన్నట్లే.


ఇలా పోస్ట్ చివరన ముద్రించుకోవడం లేదా పిడియఫ్ గా మార్చే బటన్ వస్తుంది. దానిని నొక్కినపుడు ఇలా బ్లాగు పేజి ముద్రణకు అనువుగా మార్చబడుతుంది.

ఉచిత సాఫ్ట్వేర్ల కర్మాగారం



 సోర్స్ ఫోర్జ్.నెట్ ఎన్నో విజయవంతమైన ఒపెన్ సోర్స్ సాఫ్ట్ వేర్ల తయారీకి నెలవు. సమాజం సహకారంతో అభివృద్ధి చేయబడు ఒపెన్ సోర్స్ సాఫ్ట్ వేర్లకి కావలసిన అన్ని వనరులు అందించడంలో సోర్స్ ఫోర్జ్.నెట్ దే అగ్రస్తానం. సోర్స్ ఫోర్జ్.నెట్ యొక్క సాధనాలని వాడుకొని ఇప్పటికే 3.4 మిలియన్ డెవలపర్లు 324,000 పైగా ప్రాజెక్టులని వృధ్ది చేసారు. ప్రతి రోజు4,000,000 డౌన్లోడ్లతో ఎంతో మందికి సేవలు అందిస్తున్నది సోర్స్ ఫోర్జ్.నెట్.
 సాఫ్ట్వేర్ల పాధమిక దశ అయిన కోడింగ్ నుండి మొదలుకొని అభివ్రుధ్ది చేయడం, ఆ సాఫ్ట్వేర్లని ప్రచూరించేవరకు అన్నిటికి సోర్స్ ఫోర్జ్.నెట్ సమాధానం చెబుతుంది. ఇక్కడ దొరకని ఒపెన్ సోర్స్ సాఫ్ట్వేర్ లేదంటే అతిశయోక్తి కాదేమో. ఎవరైనా తమకు కావలసివ సాఫ్ట్వేర్లు ఇక్కడ నుండి ఉచితంగా డౌన్లోడ్ చేసుకోవచ్చు.

విజ్ఞానపు గని వాడుకున్నోడికి వాడుకున్నంత!

 విజ్ఞానం అనేది ఎవరికో సొంతం కాదు అది అందరికి అందుబాటులో ఉండాలని ఒకరిచే మొదలైన ఆ సంకల్పం ఇప్పుడు ప్రపంచంలో అన్ని దిక్కులకు విస్తరించినది. దాని ఫలాలు ఇప్పుడు ప్రతి ఒక్కరు అను నిత్యం ఏప్పుడో ఒకప్పుడు అనుభవిస్తూనే ఉన్నాము. అదే వికిపీడియా. ఏదైనా విషయం గురించి సమాచారం కావాలంటే వికిపీడియా లో వెతుకు అని సాదారణంగా వింటుంటాం,అంటుంటాం. వికీపీడియా అంటే అంతర్జాల విజ్ఞానభాండాగారం. పలువురు కలిసి విజ్ఞాన సమాచారాన్ని సేకరించి అంతర్జాలంలో ఒకచోట భద్రపరచడం. ఈవిధంగా భద్రపరచినదానిని అందరికీ ఉచితంగా వాడుకోవడమే. విషయసేకరణ మరియు అది అందరికీ అందుబాటులో ఉంచడం అనే ప్రక్రియను నిరంతరంగా ప్రవహింపచేయడమే వికీపీడియా లక్ష్యం. ఈ ప్రక్రియను మొదలు పెట్టిన ఘనత జిమ్మీ వేల్స్ అనే అమెరికన్ కు చెందుతుంది. చిన్న చినుకులు కలిసి ఒక మహ సముద్రంగా మారినట్లు ఇప్పుడు వికిపీడియా అనేక ప్రపంచ బాషలలో అనేక వ్యాసాలతో అందుబాటులో ఉంది. సాధారణ వ్యక్తులు కూడా వికీపీడియాలో వ్యాసాలను రాయగలగడంతోబాటు ఇతరులు రాసిన వ్యాసాలలో అక్షర దోషాలను సరిదిద్దడం, అదనపు సమాచారాన్ని జోడించడం మరియు వాణిజ్య ప్రకటనలు లేకపోవడం వంటి అంశాలు దీన్ని ప్రత్యేకంగా నిలబెట్టాయి.
 ఆంగ్లవికీ ప్రారంభమైన రెండేళ్ళ అనంతరం మొదలైన తెలుగు వికీపీడియా ఆరంభంలో అనేక ఆటుపోట్లను ఎదుర్కొంటూ క్రమక్రమంగా వేగం పుంజుకుంది. భారతీయ భాషలలో తెలుగుభాష ఔన్నత్యాన్నీ, ప్రత్యేకతనూ చాటిచెబుతోంది. దీని వెనుక తెలుగు బ్లాగరులు మరియు మనలాంటి సామాన్యుల కృషి కూడా ఉంది. వికీపీడియా తెలుగులో ఉందన్న విషయాన్ని అందరికి తెలియచెప్పడం, మరియు తెలుగు వికీపీడియాకి ప్రచారం కల్పించడం కోసం ఈ ఉగాది సందర్భాన్ని పురష్కరించుకొని తెలుగు వికీపీడియా మహోత్సవం 2013 ఏర్పాటుచేసారు. 
 రేపటి తరానికి ఖచ్చితమైన సమాచారాన్ని ఉచితంగా అందివ్వాలన్న సదుద్దేశ్యంతో నిస్వార్ధంగా కృషి చేస్తున్న  తెలుగు వికీపీడియాని తెలుగు వారందరికి చేరువ చెయవలసిన బాద్యత మనందరిది. రండి బ్లాగు బ్లాగు  కలిపి ప్రచారాన్ని చేద్దాం. సామాజిక అనుసంధాన వేదికలైన ఫేస్ బుక్ ,ట్విట్టర్ మరియు గూగుల్ + లలో కూడా పంచుకోవడం ద్వారా తెలుగు వికీపీడియాని అందరికి చేరువ చేయవచ్చు. దయచేసి విజ్ఞాన ప్రవాహాన్ని ఆపవద్దు.

ఫైర్ ఫాక్స్ 20 విడుదలైంది.


 15వ వార్షికోత్సవం జరుపుకొంటున్న మొజిల్లా ఫౌండేషన్ వారు తమ తదుపరి విడుదలఅయిన ఫైర్ ఫాక్స్ 20 ని విడుదలచేసారు. సరికొత్త డౌన్ లోడ్ మేనేజర్, ప్రవేట్ బ్రౌజింగ్ మరియు పనిచేయడం ఆగిపోయిన ప్లగ్ ఇన్ ల ప్రభావం ఫైర్ ఫాక్స్ మీద పడకుండా వాటిని మూసివేయగలిగిన సామర్ధ్యం వంటి అధనపు విశిష్టతలతో పాటు పనితీరులో మెరుగుదల, HTML5 విశిష్టతలతో తీసుకువచ్చారు.
                         ఫైర్ ఫాక్స్ డౌన్ లోడ్

ఎటువంటి పిసి సూట్ ఆవసరం లేకుండానే మొబైల్ నెట్ ని కంప్యూటర్ లో వాడుకొనేవిధానం

 ఇప్పుడు మొబైల్ లో జి పి ఆర్ ఎస్ లేదా 3G ని ఉపయోగించి నెట్ వాడుకోవడం సాధారణం అయిపోయింది. ఆకర్షణీయమైన డాటా పధకాలు, నెట్ వాడుకోగల మొబైళ్ళు సరసమైన ధరలలో అందుబాటులో ఉండడం మరియు ఎక్కడనుండి అయినా నెట్ ఉపయోగించుకోగలగడం వలన తక్కువ పెట్టుబడి పెట్టగలవారు కూడా ఈ సదుపాయాన్ని వాడుకుంటున్నారు. చాలామంది అదే మొబైల్ నెట్ ని కంప్యూటర్ లో కూడా వాడుకుంటున్నారు. సాధారణంగా ఫోన్ తో పాటు వచ్చే సాఫ్ట్ వేర్ సిడీ (పిసి సూట్) ని ఇన్ స్టాల్ చేసుకొని కంప్యూటర్ లో నెట్ ని పొందవచ్చు. ఆ సాఫ్ట్ వేర్ సిడీలో ఉన్న సాఫ్ట్ వేర్ ఒక్క విండోస్ కి మాత్రమే మధ్దతు గలదు. మరి ఉబుంటు వాడేవారు ఏం చేయాలి?
 ఉబుంటు వాడేవారు ఎటువంటి పిసి సూట్ ఆవసరం లేకుండానే చాలా సులభంగా మొబైల్ నెట్ ని కంప్యూటర్ లో వాడుకొవచ్చు. క్రింది చిత్రాలలో చూపించిన విధంగా అనుసరిస్తే సరి.








 పైన చిత్రాలలో చూపించినట్లు మన సర్వీస్ ప్రొవైడర్ ని ఎంచుకొని సేవ్ చేసుకోవాలి. తరువాత ఫోన్ ని యు యస్ బి కేబుల్ తో కంప్యూటర్ కి అనుసంధానించగానే నోకియా ఫోన్ లో పిసి సూట్ అన్న ఆప్షన్ ని ఆండ్రాయిడ్ ఫోన్ లో అయితే క్రింది చిత్రంలో చూపించినట్లుగా USB tethering అన్న  ఆప్షన్ ని ఎంచుకోవాలి.అపుడు వెంటనే నెట్ వర్క్ అనుసందానించబడినట్లు నోటిఫికేషన్ కనిపించును. అంతే వెబ్ బ్రౌసర్ ని తెరిచి అంతర్జాలం లో విహరించవచ్చు.