తెలుగు మద్దతు లేని మొబైళ్ళలో కూడా అన్ని తెలుగు వెబ్ సైటులు చూడడానికి

 ఇంతకుముందుతో పోలిస్తే ఇప్పుడు తెలుగులో వెబ్ సైటులు, బ్లాగుల సంఖ్య బాగా పెరగడం దానితో పాటు మొబైల్ ఫోన్లు, మొబైల్ ఇంటర్ నెట్ ఆకర్షణీయమైన ధరలలో అందుబాటులో ఉండడం వలన మొబైల్ నుండి కూడా వెబ్ సైట్లు చూడడం పెరిగింది. ఇక తెలుగు వెబ్ సైట్ల విషయానికొస్తే ఎగువ శ్రేణి మొబైళ్ళు, కొన్ని మధ్య శ్రేణి మొబైళ్ళు తెలుగు అక్షరాలు బానే చూపిస్తున్నాయి. కొన్ని మధ్య శ్రేణి మరియు దిగువ శ్రేణి మొబైళ్ళు, ఇతర దేశాలలో కొన్న మొబైళ్ళు మరియు చైనా మొబైళ్ళలో ఇప్పటికి తెలుగు చూపించలేకపోతున్నాయి. మొబైల్ ఇంటర్ నెట్ వాడుతు వాటిలో తెలుగు చూడలేనివారు, తెలుగుని మొబైళ్ళలో చూడవచ్చని తెలియనివారు ఇప్పటికి చాలామంది ఉన్నారు. ఇప్పుడు మనం తెలుసుకొబోయే చిన్న చిట్కా పాతదే అందరికి తెలిసినదే అయినప్పటికి తెలియనివారికి ఉపయోగపడుతుందని వ్రాయడం జరిగింది.
తెలుగు అక్షరాలు గడులుగా కనిపించడం

 ఒపెరా మిని దిగువ శ్రేణి మొబైళ్ళలో డిఫాల్ట్ వెబ్ బ్రౌసర్ గా వస్తుంది. ఈ మొబైల్ వెబ్ బ్రౌసర్ దాదాపు అన్ని మొబైల్ ఫ్లాట్ ఫాం(జావా, ఆండ్రాయిడ్, సింబియాన్, బడా) లలో పనిచేస్తుంది. అంతేకాకుండా చాలా మొబైళ్ళకు లభిస్తుంది. ఒపెరా మిని వెబ్ బ్రౌసర్ నందు చిన్న సెట్టింగ్ మార్చుకోవడం ద్వారా మనం తెలుగు వెబ్ సైట్లను చూడవచ్చు. మొదట ఒపెరా మిని వెబ్ బ్రౌసర్ అడ్రస్ బార్ నందు opera:config అని టైప్ చేసి ఎంటర్ కొట్టాలి. అప్పుడు తెరవబడిన వెబ్ పేజిలో use bitmap fonts for complex scripts అన్న ఆప్షన్ ఎదురుగా yes ని ఎంచుకొని సేవ్ చేయాలి. తరువాత ఏదైనా తెలుగు అక్షరాలున్న సైటుని తెరిచినపుడు తెలుగు అక్షరాలు సరిగా కనపడడం మనం గమనించవచ్చు.


ఒపెరా మిని లో సెట్టింగ్స్

సెట్టింగ్స్ చేసిన తరువాత తెలుగు అక్షరాలు

ఉచితంగా పిల్లల వినోదం కోసం హెచ్ డి వీడియోలు

 పిల్లలు ఏ విషయాన్నయినా తొందరగా నేర్చుకోవాలంటే అది వారికి ఆసక్తిని రేకెత్తించే విధంగా ఉంటు వినోదాన్నిచ్చేదిగా ఉండాలి. పిల్లలు వినడం, చూడడం ద్వారా నేర్చుకుంటారు. అయితే చూడడం అన్నది వినడం కన్నా ఎక్కువ ప్రభావవంతంగా ఉంటుంది. అందువలన ఈ రోజుల్లో పిల్లలకు పాఠశాలలో కూడా వీడియోలను చూపిస్తు నేర్పిస్తున్నారు. కాని పిల్లలు తొందరగా టీవీలకి అతుక్కుపోయి కార్టున్ లు వంటి వాటికి అలవాటు పడుతున్నారు. ఎందుకంటే అవి వారికి వినోదాన్ని ఇస్తాయి, కాని ఎటువంటి విజ్ఞానాన్ని ఇవ్వవు. మనం వినోదంతో పాటు విజ్ఞానాన్ని కలిపి చూపిస్తే వారు వాటిని ఇష్టంగా చూస్తారు.
 టుటిటు టీవి అనేది ఒక ఆన్ లైన్ చానల్. ఇక్కడ వివిధ వస్తువులు ఎలా నిర్మితమవుతాయో, ఆంగ్ల అక్షరాలు, అంకెలు గురించి టుటిటు పిల్లలకి అర్ధమగు రీతిలో చెబుతుంది. వీడియోలు మంచి నాణ్యతతో ఉండడమే కాకుండా పిల్లలను ఆకట్టుకుంటాయి. వీటి ద్వారా వారు సులభంగా నేర్చుకుంటారు. ఈ చానల్ లో వీడియోలే కాకుండా పిల్లల ఆటలు, వివిధ యాక్టివిటి ఓరియంటెడ్ ఆటలు మరియు బొమ్మలకు రంగులు వేయడం వంటివి కూడా ఉన్నాయి.


టుటిటు రైలు గురించి చెబుతుంది

ఎటువంటి సాఫ్ట్ వేర్ ఇన్స్టాల్ చేయనక్కర లేకుండానే ఆండ్రాయిడ్ ఫోన్లో స్క్రీన్ షాట్ తీయడానికి

 మన ఆండ్రాయిడ్ ఫోన్లో ఎటువంటి సాఫ్ట్వేర్ కొత్తగా ఇన్ స్టాల్ చేయకుండానే స్క్రీన్ షాట్ తీసుకోవచ్చు. పవర్ బటన్ మరియు వాల్యూం డౌన్ బటన్లని రెండింటిని ఒకేసారి నొక్కినపుడు మన ఫోన్ యొక్క తెర ఫొటొ తీయబడుతుంది. ఫొటో తీసినపుడు వచ్చే క్లిక్ మనకు వినిపించును. స్క్రీన్ షాట్ సేవ్ అయినట్టు నోటిఫికేషన్ చూపిస్తుంది. ఆ స్క్రీన్ షాట్ ని మనం గ్యాలరీలోకి వెళ్ళి స్క్రీన్ షాట్స్ అన్న ఫోల్డర్ లో చూడవచ్చు. సాధారణంగా చాల ఫోన్లకి ఇది పనిచేస్తుంది. కొన్ని ఫోన్ లకి హోం బటన్ మరియు పవర్ బటన్ ఒకేసారి నొక్కితే స్క్రీన్ షాట్ సేవ్ అవుతుంది.

బ్లాగులందు పుణ్య బ్లాగులు వేరయా!

 సాంకేతిక పరిజ్ఞానం ఎంతో అభివృధ్ధి చెందిన ఈ రోజుల్లో కూడా మనిషి ఒక అతీత శక్తి పై ఆధారపడుతూనే ఉన్నాడు. ముఖ్యంగా పురాతన ఆధ్యాత్మిక వారసత్వం గల భారతీయులలో ఇది మరి ఎక్కువ. మనిషి ఇప్పుడు ఆధునిక సాంకేతిక పరిజ్ఞానాన్ని మరియు ఆధ్యాత్మికతను మేళవించి సేధతీరుతున్నాడు. క్షణం తీరిక లేకపోయినప్పటికి తన ఆధ్యాత్మికచింతనను వివిధ రూపాల్లో వ్యక్త పరుచుకుంటూనే ఉన్నాడు. వీటిలో ఒకరూపం పుణ్యక్షేత్ర సంధర్శన. రవాణా మరియు మౌలిక వసతులు పెరగడం వలన చివరి మజిలీగా ఇంతకు మునుపు భావించిన పుణ్యక్షేత్ర సంధర్శన ఇప్పుడు కడు సులభమైంది. ఆ పుణ్యక్షేత్ర సంధర్శనని మనకు కళ్ళకు కట్టినట్లు తెలుగులో వివరించే ఈ బ్లాగు కూడా ఒక పుణ్యక్షేత్రమే.
 వ్యాపార ప్రకటనలు, ప్రచార పటొపాలు లేకుండా రాజచంద్ర అను ఒత్సాహిక బ్లాగరుచే నిర్వహించబడుతున్న తెలుగు ట్రావెల్ బ్లాగుగా పిలవబడు ఈ వెబ్ బ్లాగు నందు పసిధ్ద  పుణ్యక్షేత్రాల గురించి తెలుగులో సచిత్ర సహితంగా ఉన్నాయి. స్థల పురాణం, చేరుకొనే విధానం, వసతి, చుట్టుప్రక్కల చూడ దగ్గ ప్రధేశాలు వంటి విశేషాలతో ఇక్కడ పుణ్యక్షేత్రాలు కొలువై ఉన్నాయి.

లైక్&షేర్ చేయకుండానే 20 జిబి ఆన్ లైన్ క్లౌడ్ స్టోరేజ్ ఉచితంగా పొందవచ్చు


 టాబ్లెట్లు, ఫోన్లు నుండి ఇంటర్ నెట్ వాడకం వేగంగా పెరుగుతున్న ఈ రోజుల్లో వాటిలో ఉన్న స్టోరేజ్ పరిమితుల వలన  క్లౌడ్ స్టోరేజ్ సేవలు కూడా బాగా ప్రాచూర్యం పొందుతున్నాయి. మనకి ఇప్పుడు వివిధ క్లౌడ్ స్టోరేజ్ సేవలు ఉచితంగా మరియు డబ్బులకి సేవలందిస్తున్నాయి. క్లౌడ్ స్టోరేజ్ లో భద్రపరచిన సమాచారం మనం ఎక్కడ నుండయినా ఏ పరికరం నుండయినా పొందే వెసులుబాటు సౌలభ్యం ఉండడం వలన క్లౌడ్ స్టోరేజ్ ని చాలా మంది ఉపయోగిస్తున్నారు. చాలా సంస్థలు వినియోగధారులను ఆకట్టుకోవడానికి ఉచితంగా కొంత క్లౌడ్ స్టోరేజ్ ని అందిస్తున్నాయి.


ఇప్పడు కాపీ.కాం మనకి 20 జిబి ఆన్ లైన్ క్లౌడ్ స్టోరేజ్ ఉచితంగా అందిస్తున్నది. దాన్ని మనం పొందడం కూడా చాలా సులువు. కాపీ వాళ్ళ సైటు లో నమోదు చేసుకోవడం ద్వారా మనం మొదట 15 జిబిని తరువాత అన్ని ఆపరేటింగ్ సిస్టంలకి మధ్దతును ఇచ్చు కాపీ క్లయింట్ ని ఇన్ స్టాల్ చేసుకోవడం ద్వారా మరో 5 జిబిని అలా మొత్తం 20జిబి ఉచితంగా క్లౌడ్ స్టోరేజ్ సామర్ధ్యం సొంతం చేసుకోవచ్చు.

మీ పెన్ డ్రైవ్ లోకి పెద్ద ఫైళ్ళు కాపి అవడంలేదా?

 ఈ రోజుల్లో హెచ్ డి వీడియోలు తీయగల కెమేరాలు సరసమైన దరల్లో అందుబాటులో ఉండడం వల్ల అందరి దగ్గరా ఉంటున్నాయి. వీటిలో తీసిన వీడియో పరిమాణం పెద్దదిగా ఉండడం వలన మనం పెన్ డ్రైవ్ లేదా మెమొరి కార్డులలో ఖాళీ ఉన్నప్పటికి ఒకొక్కసారి కాపి కావు. ఒకోసారి కాపి అయినప్పటికి పూర్తిగా కాకపోవడం వల్ల ఆ ఫైలు తెరుచుకోదు. అంతే కాకుండా ఈ మధ్య వచ్చే సినిమాలు కూడా హెచ్ డి లో ఉండి పెద్ద పరిమాణంలో ఉంటున్నాయి. ఒకే ఫైలు 4 జిబి కన్నా ఎక్కువగా ఉంటే ఈ సమస్య వస్తుంటుంది. దీనికి కారణం మన పెన్ డ్రైవ్ యొక్క ఫైల్ సిస్టం. సాధారణంగా పెన్ డ్రైవ్ లు fat పైల్ సిస్టంలో ఫార్మాట్ చేయబడిఉంటాయి. ఈ పురాతన ఫైల్ సిస్టం యొక్క పరిమితుల వలన 4 జిబి కన్నా పెద్ద పరిమాణం గల ఫైలు కాపి కాదు. అప్పుడు మనం మన పెన్ డ్రైవ్ ని ఫార్మాట్ చేసుకొనేటప్పుడు ntfs ఫైల్ సిస్టం లో చేసుకోవాలి. అప్పుడు ఎటువంటి ఇబ్బంది లేకుండా 4 జిబి కన్నా పెద్ద ఫైళ్ళు కూడా పెన్ డ్రైవ్ లోకి కాపి చేసుకోవచ్చు.

ఉబుంటులో ntfs ఫైల్ సిస్టం ఫార్మాట్


విండోస్ లో ntfs ఫైల్ సిస్టం ఫార్మాట్

మరో ఆపరేటింగ్ సిస్టం రాబోతుంది

 ఇప్పటికే మనకు అందుబాటులో ఎన్నో ఆపరేటింగ్ సిస్టంలు ఉన్నాయి. వాటిలో ఉచితంగా లభించేవి చాలా ఉన్నాయి. కానీ ప్రజలలోకి వెళ్ళినవి చాలా తక్కువే అని చెప్పుకొవచ్చు. కాని ఇప్పడు రాబోతున్న ఆపరేటింగ్ సిస్టం ప్రజాదరణ పొందే అవకాశాలు చాలా ఎక్కువ. ఎందుకంటే దాని తయారిదారు వాల్వ్ సాఫ్ట్ వేర్. ఇది ఎప్పుడు వినలేదా. ఇది కంప్యూటర్ గేమింగ్ దిగ్గజం. వీళ్ళు తయారు చేసిన స్టీం అన్న గేమింగ్ ఫ్లాట్ ఫాం గురించి వేరే చెప్పనక్కరలేదు. ఎందుకంటే ఆకంపెనీ పేరు కన్నా స్టీం బాగా ప్రాచూర్యం పొందింది. అదే స్టీం పేరు మీద తొందరలో ఆపరేటింగ్ సిస్టం విడుదలచేయబోతున్నారు. లినెక్స్ పై నిర్మించబడే ఈ స్టీం ఒయస్ ప్రత్యేకించి టీవి మరియు లివింగ్ రూం కొరకు అని తయారీదారు చెబుతున్నారు. ఇక గేమింగ్ గురించి చెప్పనక్కరలేదు.తొందరలోనే అందుబాటులోకి రాబోతున్న ఈ ఆపరేటింగ్ సిస్టం ఉచితంగా లభించును. పూర్తి సమాచారం ఇక్కడ చూడవచ్చు.

మన రక్తంలో ఇంకిపోయిన సంస్కృతి

 పైరేటెడ్ అన్నది మనకు తెలియంది కాదు. అది అనాదిగా వస్తున్న మన ఆచారం. ఇప్పుడు అది కొత్త పుంతలు తొక్కింది. విడుదలకి ముందే పైరేటెడ్ చేయడం అంటే మామూలు విషయం కాదు. అది బాగా వారికి దగ్గరి వారివల్లే అవుతుంది. అదెలా ఉన్నా సాఫ్ట్ వేర్ పైరసి దీనికి ఎన్నో రెట్లు పెద్దది. దానికి పరిష్కారం ఒక్క ఒపెన్ సోర్స్ మాత్రమే. ప్రజల సమాచారాన్ని నిక్షిప్తం చేసుకున్న ఆధార్ కేంధ్రంలో ఉన్న కంప్యూటర్ లో కూడా పైరేటెడ్ ఆపరేటింగ్ సిస్టం. ముఖ్యంగా ప్రజల బధ్రత కోసం చేపట్టిన ఆధార్ పరమార్ధం నెరవేరినట్లేనా. ఈ చిన్న ఉధాహరణ చాలు మనం ఎక్కడున్నామో చెప్పడానికి.
 ఈ రోజుల్లో ఎన్నో ఆపరేటింగ్ సిస్టం లు మనకి అందుబాటులో ఉన్నాయి. అయినప్పటికి ఇంకా మనం ఆపరేటింగ్ సిస్టం లు కొనుక్కోవలసిన అవసరం తప్పటంలేదు. దీనికి కారణం అనేక అపోహలు, లేని పోని ప్రచారాలు అని వేరే చెప్పక్కరలేదు. ఎన్నో ఉచిత ఆపరేటింగ్ సిస్టం లు మనకి అందుబాటులో ఉన్నప్పటికి పైరేటెడ్ ఆపరేటింగ్ సిస్టం వాడడానికే జనాలు మొగ్గు చూపడం మనం ఒప్పుకోవలసిన విషయం. ధనవంతమైన కంపెనీల మార్కెట్ విస్థరణ ప్రణాళికలలో భాగంగా పైరేటెడ్ ఆపరేటింగ్ సిస్టం వాడుకరులు కంపెనీలకు ప్రచార సాధనాలుగా మారుతున్నారు. పైరేటెడ్ సాఫ్ట్ వేర్ వాడడంలో మనదే అగ్రతాంబూలం అన్నది కఠోర సత్యం. ఉచితంగా దొరుకుతున్న దానిపై మనకు చులకన, దొంగదానిపై మోజు ఎక్కువ. 
 ఇది ఇలా ఉంటే తాము వాడుతున్నది పైరేటెడ్ సాఫ్ట్ వేర్ అని, తామువాడే దానికి ప్రత్యామ్నాయాలు ఉన్నాయని తెలియక చాలామంది పైరేటెడ్ సాఫ్ట్ వేర్ కి గురవుతున్నారు. పైరేటెడ్ సాఫ్ట్ వేర్ కి బలైన వారిని, ఇంకా బలి కాకుండా కాపాడడానికే ఒపెన్ సోర్స్ సాఫ్ట్ వేర్. ఒపెన్ సోర్స్ సాఫ్ట్ వేర్ల గురించి అందరికి తెలుగులో తెలియచెప్పడానికే ఈబ్లాగు. ఈ బ్లాగు ఉపయోగపడగలదని మీకు అనిపించినచో బ్లాగు యొక్క జి+ మరియు ఫేస్ బుక్ పేజిలను అందరికి పంచండి.







వెబ్ పేజిని మొత్తం ఫొటో తియడానికి

 సాధారణంగా మనం కంప్యూటర్ తెరపై ఉన్నదాన్ని ఫోటో తీయడానికి మన కీబోర్డ్ లో ఉన్న ప్రింట్ స్క్రీన్ ను ఉపయోగిస్తుంటాము. మనం ఏదైనా ఒక వెబ్ పేజిని చూస్తున్నపుడు ప్రింట్ స్క్రీన్ ను ఉపయోగించి ఫొటో తీస్తే అది మనకు తెర మీద కనిపించే వెబ్ పేజి యొక్క భాగాన్ని మాత్రమే ఫొటో తీస్తుంది. మనం వెబ్ పేజి మొత్తాన్ని ఫొటో తీయాలంటే ఎలా?
 షట్టర్ అనే ఒపెన్ సోర్స్ సాఫ్ట్ వేర్ ని ఉపయోగించి మనం సులభంగా వెబ్ పేజి మొత్తాన్ని ఫొటో తీయవచ్చు. షట్టర్ అనేది శక్తివంతమైన ఆధునికమైన స్క్రీన్ షాట్లు తీయడానికి ఉపయోగించే సాఫ్ట్ వేర్. దీనిని ఉపయోగించి  పూర్తి డెస్క్ టాప్, విండో, డెస్క్ టాప్ లో ఎంచుకున్న మేర స్క్రీన్ షాట్ తీయడమే కాకుండా తీసిన స్క్రీన్ షాట్లను మనకు కావలసినట్లు మార్చుకొని నేరుగా వివిధ ఆన్ లైన్ ఫొటో వెబ్ సైట్లకి ఎగుమతి చేయవచ్చు. షట్టర్ ని గురించి మరిన్ని వివరాలు ఇక్కడ చూడవచ్చు.
 షట్టర్ ని మనం ఇన్ స్టాల్ చేయునపుడు ఉబుంటు సాఫ్ట్ వేర్ సెంటర్ లో గ్నోం వెబ్ ఫొటో అన్న యాడ్ ఆన్ ని ఎంచుకుని ఇన్ స్టాల్ చేసుకుంటే చాలు. ఎలా అన్నది ఈ చిత్రంలో చూడవచ్చు.
ఉబుంటు సాఫ్ట్ వేర్ సెంటర్ నుండి షట్టర్ ని ఇన్ స్టాల్ చేయడం
 షట్టర్ ని ఇన్ స్టాల్ చేసిన తరువాత క్రింద చిత్రాలలో చూపినట్లు చేయడం ద్వారా మనం మొత్తం వెబ్ పేజిని స్క్రీన్ షాట్ తీయవచ్చు.
షట్టర్
షట్టర్ ని ఉపయోగించి మొత్తం వెబ్ పేజిని స్క్రీన్ షాట్ తీయడం
 మనం వెబ్ బ్రౌసర్ ని ఉపయోగించకుండానే మనకి కావలసిన వెబ్ చిరునామాను ఇక్కడ ఇవ్వడం ద్వారా మొత్తం వెబ్ పేజిని స్క్రీన్ షాట్ తీయవచ్చు. షట్టర్ తోతీసిన పూర్తి వెబ్ పేజిని ఇక్కడ చూడవచ్చు.
షట్టర్ తో తీయబడిన బ్లాగు మొత్తం స్క్రీన్ షాట్

తొందరలో విడుదలకాబోతున్న ఉబుంటు 13.10 వాల్ పేపర్లు

 ఉబుంటు ప్రతి వెర్షన్ తో పాటు కొన్ని వాల్ పేపర్లు డిఫాల్ట్ గా వస్తుంటాయి. వాటిని ఎంపిక చేయడానికి జనాల మధ్య పోటి పెట్టి వచ్చిన వాల్ పేపర్లలో మంచివాటిని ఎంపికచేసి ఉబుంటు సిడీ ఇమేజిలో ఉంచుతారు. వచ్చే నెల 17 న రాబోతున్న ఉబుంటు 13.10 వాల్ పేపర్లని మనం ఇప్పుడే క్రింది లంకెల నుండి డౌన్లోడ్ చేసుకోవచ్చు.
ఉబుంటు 13.10 డిఫాల్ట్ వాల్ పేపర్

గ్రేటర్ హైదరాబాద్ మునిసిపల్ కార్పోరేషన్ ఆన్ లైన్ పిర్యాధుల పెట్టె

 గ్రేటర్ హైదరాబాద్ మునిసిపల్ కార్పోరేషన్ పరిధిలో నివసించే పౌరుల సౌకర్యం కోసం ఆన్ లైన్ పిర్యాధుల పెట్టెని ఏర్పాటు చేసింది. మునిసిపల్ ఆఫీసుల చుట్టు తిరగనక్కరలేకుండానే ఎవరైనా సులభంగా ఇంటి దగ్గరనుండే తమ సమస్యని అధికారుల దృష్టికి తీసుకువెళ్ళవచ్చు. తద్వారా సమస్యల పరిష్కారం పొందవచ్చును. అంతే కాకుండా తమ పిర్యాధు యొక్క స్థితిని కూడా ఎప్పటికప్పుడు ఆన్ లైన్ లో చూడవచ్చు. కరెంటు, త్రాగునీరు, మురుగునీరు, భూఆక్రమణలు, స్థల వివాదాలు, అగ్ని మాపక, పన్నులు, క్రీడలు, ఆరోగ్యం మరియు పరిశుభ్రత, కీటకాలు, ట్రాఫిక్ మరియు రవాణా వంటి  గ్రేటర్ హైదరాబాద్ మునిసిపల్ కార్పోరేషన్ పరిధిలో ఉన్న అన్ని శాఖలకి సంభందించిన పిర్యాధులు ఇక్కడ నమోదు చేయవచ్చు.

సంస్థగా మారిన అత్యుత్తమ ఆండ్రాయిడ్ రామ్

 ఆండ్రాయిడ్ ఆపరేటింగ్ సిస్టం ఆధారంగా తయారుచేయబడి, ఆండ్రాయిడ్ని మించిన ఫీచర్లని అందిస్తు నెంబర్ వన్ ఆండ్రాయిడ్ రామ్ గా పేరు తెచ్చుకొన్న సైనోజెన్ మొడ్ ఒపెన్ సోర్స్ ఆపరేటింగ్ సిస్టం ఇప్పడు ఒక కంపెనీగా కొత్త అవతారం ఎత్తింది. దానికి సంబంధించిన ప్రకటన సైనోజెన్ మొడ్ వారి బ్లాగులో చూడవచ్చు. ఇప్పటి వరకు వివిధ కంపెనీల డివైస్ లకు అనధికార ఆపరేటింగ్ సిస్టంలు తయారు చేస్తూవచ్చిన సైనోజెన్ మొడ్ ఇప్పుడు తను కూడా సొంతంగా మొబైళ్ళు, టాబ్లెట్లు విడుదల చేయబోతుంది. సైనోజెన్ మొడ్ ఆపరేటింగ్ సిస్టం మిగిలిన రామ్ లతో పోల్చుకుంటే చాలా పరికరాల్లో ఇన్ స్టాల్ చేసుకోవచ్చు.
 ఈ సంధర్బంగా అన్ని మొబైళ్ళు, టాబ్లెట్లలో పనిచేచే విధంగా తయారుచేయడం, ఫోన్ లో అప్లికేషన్ ఇన్ స్టాల్ చేసుకున్నంత సులువుగా సైనోజెన్ మొడ్ ని ఇన్ స్టాల్ చేయగలగడం తమ లక్ష్యాలు గా పేర్కొన్నారు. తొందరలోనే సైనోజెన్ మొడ్ ఇన్ స్టాలర్ ప్లే స్టోర్ లో అందుబాటులోకి తీసుకురాబోతున్నారు. సైనోజెన్ మొడ్ ఇన్ స్టాలర్ యొక్క చిత్రాలు క్రింద చూడవచ్చు.



ఉబుంటు టచ్ తొలి వెర్షన్ విడుదల కాబోతుంది

 ఉబుంటు టచ్ అంటే ప్రముఖ ఉచిత లినక్స్ డెస్క్ టాప్ ఆపరేటింగ్ సిస్టం అయిన ఉబుంటు యొక్క ఫోన్ మరియు టాబ్లెట్ల ఆపరేటింగ్ సిస్టం. గత కొంత కాలంగా వేగంగా అభివృధ్ది చేయబడుతున్న ఉబుంటు టచ్ ఆధికారికంగా గూగుల్ నెక్సాస్ పరికరాలకి (గెలాక్సి నెక్సస్, నెక్సస్4, నెక్సస్7, నెక్సస్10) మధ్దతు ఇవ్వడమే కాకుండా మూడు సంవత్సరాల పాటు అప్ డేట్స్ అందించబడును. ఉబుంటు డెస్క్ టాప్ ఆపరేటింగ్ సిస్టం తరువాతి వెర్షన్ అయిన 13.10 తో పాటు ఉబుంటు టచ్ 1.0 వెచ్చే నెల 17న విడుదలకాబోతుంది. అధికారికంగా గెలాక్సి నెక్సస్, నెక్సస్4, నెక్సస్7, నెక్సస్10 లకు మాత్రమే మధ్దతు కలిగి ఉన్నప్పటికి అనధికారికంగా వివిధ ఫోన్లకి టాబ్లెట్ కి కూడా అందుబాటులో ఉంది. ఉబుంటు టచ్ తో తయారు చేయబడిన తొలి ఫోను వచ్చే సంవత్సరం ఏప్రిల్లో విడుదల కాబోతుంది.
 
ఉబుంటు టచ్ ఇన్ స్టాల్ చేయు విధానము


గెలాక్సి నెక్సస్ ఫోన్ లో ఇన్ స్టాల్ చేయబడిన ఉబుంటు టచ్

ఒకే నొక్కుతో ముప్పైకి పైగా తెలుగు డిక్షనరీల సమాచారం


 తెలుగు అసోషియోషన్ ఆఫ్ నార్త్ అమెరికా సౌజన్యంతో రూపొందిన ఉచిత ఆన్ లైన్ డిక్షనరీ ఆంధ్రభారతి తెలుగు నిఘంటు శోధన. ఈ ఆన్ లైన్ డిక్షనరీ లో మనం ఆంగ్ల, తెలుగు పదాలకు అర్ధాలను వెతకవచ్చు. ఇప్పుడు ఆంధ్రభారతి తెలుగు నిఘంటు శోధన లో ముప్పైకి పైగా నిఘంటువుల సమాచారం చేర్చబడింది. మనం ఇక్కడ ఇవ్వబడిన శోధనలో ఒక పదాన్ని ఇచ్చినపుడు వెంటనే ఆ పదానికి సంభందించి ముప్పైకి పైగా తెలుగు నిఘంటువుల ఉన్న సమాచారం ఒకే సారి మన ముందుంచుతుంది. అంతే కాకుండా మన కంప్యూటర్లో ఎటువంటి కీబోర్డ్ లేఅవుట్ మార్చకుండానే ఆంగ్ల, తెలుగు పదాలను ఇక్కడ టైప్ చేయవచ్చు.
ఆంధ్రభారతి తెలుగు నిఘంటు శోధన

తెలుగు మద్దతు లేని మొబైళ్ళలో కూడా తెలుగు వార్తా పత్రికలు చూడడానికి

 ఈమధ్య మనదేశంలో కొన్న ఫోన్లు చాలావరకు తెలుగు మధ్దతు కలిగి ఉంటున్నాయి. అయినప్పటికి నెట్ సౌలభ్యం ఉండి తెలుగు చూడలేని ఫోన్లు కూడా చాలానే ఉన్నాయి. వారు కూడా తెలుగు వార్తా పత్రికలు తమ మొబైల్లో చూడడానికి ఉపయోగపడే, అందుబాటులో ఉన్న అప్లికేషన్ ఒకే ఒకటి. అది ఇంచుమించు అన్ని మొబైల్ ఫ్లాట్ ఫాం లలో పనిచేసుంది. జావా, సింబయాన్, ఐ ఒయస్, బ్లాక్ బెర్రి, ఆండ్రాయిడ్ మరియు విండోస్ మొబైళ్ళలో పనిచేసుంది.దీనిని ఉపయోగించి తెలుగు  వార్తా పత్రికలు మాత్రమే కాకుండా కన్నడ, తమిళం, మళయాళం,హిందీ మరియు ఆంగ్ల వంటి 11 భాషలకి సంభందించిన 72 ప్రముఖ భారతీయ దిన పత్రికలు ఫోన్ లోనే చూడవచ్చు. అదే న్యూస్ హంట్. దీనిని ఇక్కడ నుండి డౌన్లోడ్ చేసుకోవచ్చు. అంతేకాకుండా http://m.newshunt.com అన్న సైటుకి మన ఫోను లేదా కంప్యూటర్ వెబ్ బ్రౌసర్ ద్వారా వెళ్ళి నేరుగా దిన పత్రికలను చదువుకోవచ్చు.
ఆండ్రాయిడ్ లో న్యూస్ హంట్

విజ్ఞానపు గని ఇప్పడు మీ అరచేతిలో

 ప్రంపంచంలో అతి పెద్ద విజ్ఞాన బండాగారం వికిపీడియా. ఇక్కడ రాత్రి అనక పగలనక ప్రతిక్షణం సమాచారం చేర్చబడుతూనే ఉంటుంది. ఎదో పెద్ద సంస్థ పనిగట్టుకొని వేలకువేలు ఉధ్యోగులని నియమించి కోట్లు వెచ్చించి అంతకుమించి సంపాదించడానికి ఈ సమాచారాన్ని పోగు చేయడంలేదు. ప్రపంచవ్యాప్తంగా ఉన్న మనలాంటి ప్రజల కాళీ సమాయంలో స్వచ్చంధంగా సమాచారాన్ని అందించడం వలన తయారైన వికీపీడియా నుండి ఎవరైనా సమాచారాన్ని ఉచితంగా అపరిమితంగా వాడుకోవచ్చు. వ్యాపార ప్రకటనలు లేకుండా అంత సమాచారాన్ని ఉచితంగా అందించడం ఒక్క వికీపీడియా కే సొంతం. సుమారు 280 భాషలలో రెండు కోట్ల వ్యాసాలను కలిగిఉంది.
 ఇప్పుడు వికీపీడియాని మన మొబైళ్ళలో కూడా ఇన్ స్టాల్ చేసుకోవచ్చు. ఆండ్రాయిడ్, ఐ ఒయస్ మరియు విండోస్ మొబైళ్ళకి ఈ అప్లికేషన్ ఉచితంగా అందుబాటులో ఉంది. ఆండ్రాయిడ్ మొబైల్ లేదా టాబ్లెట్ వాడేవారు ఇక్కడ నుండి ఇన్ స్టాల్ చేసుకోవచ్చు. సెట్టింగ్స్ లో భాషను మార్చుకోవడం ద్వారా మనం కోరుకున్న భాషలో వికీపీడియాని చూడవచ్చు. నచ్చిన వ్యాసాన్ని సులభంగా పంచుకొనే అవకాశం కూడా ఉంది.

ఆండ్రాయిడ్ మొబైల్ లో తెలుగు వికీపీడియా

ఫైర్ ఫాక్స్, తండర్ బర్డ్ విడుదలైనవి

 ఫైర్ ఫాక్స్ మరియు తండర్ బర్డ్ లు వాటి కొత్త వెర్షన్లు అయిన 24.0 విడుదలైనాయి. వివిధ రకాల మెరుగుదలలతో విడుదలైన కొత్త వెర్షనుకి వెంటనే అప్ గ్రేడ్ చేసుకోండి. 



చేతిలో స్కానర్ పెట్టుకొని ఊరంతా వెతకడం ఎందుకు?

 మనం ఏదైనా డాక్యుమెంట్ స్కాన్ చేసుకోవాలంటే బయట నెట్ సెంటర్ కి వెళ్ళడం కాని స్కానర్ ఉన్న చోటికి వెళ్ళి డాక్యుమెంట్ స్కాన్ చేసుకుంటాము. కానీ మన చేతిలోనే స్కానర్ ఉన్న విషయం తెలియక డబ్బు వృధా చేసుకుంటాము. స్మార్ట్ ఫోన్లు ఈ రోజుల్లో చాలా మంది దగ్గర కనిపిస్తున్నాయి. మన ఫోన్ లో ఒక చిన్న అప్లికేషన్ ఇంస్టాల్ చేసుకోవడం ద్వారా మన స్మార్ట్ ఫోన్ ని స్కానర్ గా మార్చుకోవచ్చు. కాం స్కానర్ అను ఈ సాఫ్ట్ వేర్ ని ప్లే స్టోర్ నుండి ఉచితంగా పొందవచ్చు. ఇక్కడ నుండి డౌన్లోడ్ చేసుకోవచ్చు. కాం స్కానర్ ని ఉపయోగించి మనం ఏదైనా డాక్యుమెంట్ ని స్కాన్ చేసుకొని పిడియఫ్ గా లేదా జెపిజి గా బధ్రపరుచుకోవచ్చు. మామూలు స్కానర్ ని ఉపయోగించి స్కాన్ చేసిన డాక్యుమెంట్ వలే దీనిని కూడా వాడుకోవచ్చు. ఇప్పుడు కాం స్కానర్ కొనే వెర్షన్ని ఉచితంగా పొందవచ్చు. చేయవలసిందల్లా కాం స్కానర్ సైటులో నమోదు చేసుకొని కాం స్కానర్ ని మితృలతో షేర్ చేసుకోవడమే.

రాంబాబు కూడా ఆండ్రాయిడ్ నిపూణుడు కావచ్చు

 ప్రపంచంలో ఎక్కువగా వాడబడుతున్న మొబైల్ ఆపరేటింగ్ సిస్టం ఆండ్రాయిడ్ గురించి తెలుసుకోవాలని మనకి ఆసక్తి ఉంటే చాలు. టన్నుల కొద్ది సమాచారం మనకి అంతర్జాలంలో దొరుకుతుంది. కానీ సగటు రోజువారి ఫోన్ వినియోగదారుడి నుండి కాకలు తీరిన డెవలపర్లకి కావలసిన సమాచారం ఇకే చోట అందించాలంటే,ఎన్నో కంపెనీలు, మరెన్నో రకాల డివైస్ లు ప్రతీదాని గురించి సమగ్ర సమాచారం ఒకచోట అందించడం అంటే కష్టంతో, కర్చుతో కూడిన వ్యవహారమే కాకుండా ఇంచుమించుగా అసాధ్యమే. అలాంటి అసాధ్యాన్ని సుసాధ్యం చేసిన ఘనత ప్రపంచ వ్యాప్తంగా ఉన్న డెవలపర్లచే డెవలపర్ల కోసం ఏర్పరచబడిన ఒక సమూహం వలన జరిగింది. అదే XDA డెవలపర్స్.
 XDA డెవలపర్స్ అనబడు వెబ్ ఫోరంలో రోజువారి ఫోన్ వినియోగదారుడి ఉపయోగపడు చిట్కాలు,వీడియో పాఠాలు, విష్లేశణలు,వివరణలు, అప్లికేషన్లు, థీములు, రకరకాల కస్టం రాం లు, ఫోన్లు అన్ లాక్, రూట్ చేయు విధానము వాటికి కావలసిన సాఫ్ట్ వేర్లు మరియు అప్లికేషన్ డెవలపర్లకి మరియు ప్లాట్ ఫాం డెవలపరలి కావలసిన సమాచారం ఇలా సర్వం ఒకే వేధిక పై లభిస్తాయి. మనం ఈ ఫోరంలలో ఎర్పరచబడిన సౌలభ్యం వలన మన డివైస్ కి సంభందించిన సమాచారం సులభంగా వెతుక్కోవడానికి వీలుగా ఉంటుంది.
 XDA డెవలపర్స్ లో ఒక్క ఆండ్రాయిడ్ ఆపరేటింగ్ సిస్టం మాత్రమే కాకుండా ఒపెన్ సోర్స్ ఆపరేటింగ్ సిస్టం లు అయిన ఫైర్ ఫాక్స్ ఒయస్, టైజెన్, బడా, ఉబుంటు టచ్, జోలా సైల్ ఫిష్, వెబ్ ఒయస్ మరియు వాణిజ్య ఆపరేటింగ్ సిస్టం అయిన విండోస్ మొబైల్ గురించిన సమగ్ర సమాచారం ఇక్కడ దొరుకును. యాబై రెండు లక్షల మందికి పైగా నమోదు చేసుకొన్న వాడుకర్లని కలిగి ఉన్న XDA డెవలపర్స్ కి ప్రయామ్నాయం లేదనే చెప్పుకోవచ్చు. ఇక్కడ ఉన్న సమాచారాన్ని వాడుకొని లక్షల టపాలు వేల బ్లాగులు రాయొచ్చు. దీనిని సరిగ్గా వాడుకొంటే రాంబాబే కాదు ఎవరైనా ఆండ్రాయిడ్ నిపూణుడు కావచ్చు.

అత్యుత్తమ ఆండ్రాయిడ్ రామ్ ఉచితంగా

  
 తయారీదారు మనం కొన్న తరువాత ఆపరేటింగ్ సిస్టం కి సంబంధించిన అప్ డేట్ కొన్ని రోజుల పాటు మాత్రమే విడుదల చేస్తుంటారు. తయారీదారు అప్ డేట్ నిలిపివేసిన తరువాత ఆండ్రాయిడ్ లో వచ్చిన తాజా వెర్షన్ వాడాలనుకొంటే మనం తప్పకుండా ఇలా తయారు చేయబడిన ఆండ్రాయిడ్ రామ్ ల పై ఆధారపడ వలసిందే. ఎన్నో ఆండ్రాయిడ్ రామ్ లు మనకి దొరుకుతున్నప్పటికి వాటిలో నమ్మకమైనది ఎక్కువ గా వాడబడుతున్న ఆండ్రాయిడ్ రామ్ సైనోజెన్ మోడ్.
 గూగుల్ చే తయారుచేయబడిన ఆండ్రాయిడ్ మొబైల్ ఆపరేటింగ్ సిస్టం ప్రపంచంలో ఎక్కువ పరికరాల్లో ఇన్ స్టాల్ చేయబడిన మొబైల్ ఆపరేటింగ్ సిస్టం గా అనతికాలం లోనే రికార్డు సృష్టించింది. వాడుకరి అందుబాటులో అనేక అప్లికేషన్లు, సులభంగా ఇష్టం వచ్చినట్లు మార్చుకోగల గుణం, వెల విషయానికొస్తే అందరికి అందుబాటులో వివిధ శ్రేణుల్లో ఆండ్రాయిడ్ పరికరాలు లభించడం వలన ఆండ్రాయిడ్ ప్రపంచంలోనే ఎక్కువగా వాడబడుతుంది. అందువలన ప్రపంచవ్యాప్తంగా డెవలపర్లు వివిధ రకాల ఆండ్రాయిడ్ రామ్ లను తయారు చేస్తున్నారు. కనీస పరిజ్ఞానం ఉన్నవారు కూడా ఆండ్రాయిడ్ పరికరాల్లో కంప్యూటర్లలో ఎలా అయితే ఆపరేటింగ్ సిస్టం ఇన్ స్టాల్ చేసుకొంటామో అదే విధంగా ఈ ఆండ్రాయిడ్ రామ్ లను ఇన్ స్టాల్ చేసుకోవచ్చు.
 సైనోజెన్ మోడ్ అనేది ఆండ్రాయిడ్ ఒపెన్ సోర్స్ ని ఉపయోగించుకొని తయారుచేయబడిన ఆండ్రాయిడ్ రామ్. ఇది కూడా ఉచితంగా లభించే ఒపెన్ సోర్స్ సాఫ్ట్ వేర్. దీని ముఖ్యోధ్దేశం తయారీదారు అందించిన దానికన్నా అత్యుత్తమ పనితీరు, విశ్వసనీయత  అందించడమే. అంతేకాకుండా  తయారీదారు యొక్క ఆపరేటింగ్ సిస్టం లో లేనటువంటి అధనపు విశిష్టతలను మరియు మనకి నచ్చినట్లు ఎన్నో విధాలుగా అనుకూలీకరించుకునే అవకాశాన్ని మనకిస్తుంది. ఎక్కువ పరికరాలకి మధ్దతు నివ్వడం, అధికారిక ఆండ్రాయిడ్ విడుదలను అనుసరించి వెంటవెంటనే విడుదల చేయడం దీని ప్రత్యేకత.
  సైనోజెన్ మోడ్ మనకి నాలుగు రకాలు గా లభిస్తున్నప్పటికి రోజువారి వాడకం కోసం ఉద్దేశించిన స్టెబుల్ వెర్షన్ని వాడడం ఉత్తమం. సైనోజెన్ మోడ్ పనిచేసే పరికరాల చిట్టా ఇక్కడ చూడవచ్చు, డౌన్లోడ్ చేసుకోవచ్చు. ఒకవేళ మీ మొబైల్ లేదా టాబ్లెట్ కి కావలసిన సైనోజెన్ మోడ్ అధికారిక చిట్టాలో లేకపోతే అనధికార చిట్టాని ఇక్కడ చూడండి. డౌన్లోడ్ పేజి నందే ఇన్ స్టాల్ చేయు విధానము వివరించు లంకె ఉంటుంది.
సైనోజెన్ మోడ్ 10 హోమ్

ఉచిత ఒపెన్ సోర్స్ ఆండ్రాయిడ్ అప్లికేషన్లు ఇన్ స్టాల్ చేయడానికి

 ఆండ్రాయిడ్ ఫోన్లు మరియు టాబ్లెట్లలో ఒపెన్ సోర్స్ అప్లికేషన్లు ఇన్ స్టాల్ చేయడానికి వాటిని ఆటో అప్ డేట్ చేయడానికి ఉపయోగపడు అప్ స్టోర్ అప్లికేషన్ F-Droid. తాజా వెర్షను F-Droid.apk ఫైల్ ని ఇక్కడ నుండి డౌన్లోడ్ చేసుకొని ఇన్ స్టాల్ చేసుకోవచ్చు. పూర్తిగా ఒపెన్ సోర్స్ అప్లికేషన్లు మాత్రమే దొరకడమే ఈ F-Droid అప్ స్టోర్ ప్రత్యేకత. అంతేకాకుండా గూగుల్ ప్లే స్టోర్ లో స్థానం కోల్పోయిన కొన్ని ఉపయోగపడే అప్లికేషన్లు కూడా దీనిలో దొరుకుతాయి.
F-Droid ఆప్ స్టోర్

మీ అంతర్జాల విహరణం(ఇంటర్ నెట్ బ్రౌజింగ్) వేగవంతం చేసే సాఫ్ట్ వేర్ ఉచితంగా

 మనం అంతర్జాల విహరణం(ఇంటర్ నెట్ బ్రౌజింగ్) చేసినపుడు వెబ్ పేజిలో మనకి కావలసిన విషయం తో పాటు అనేక వ్యాపార ప్రకటనలు(యాడ్స్), పాప్ అప్ లు తెరవబడి మనల్ని విసిగిస్తుంటాయి. అంతేకాకుండా అవి కూడా మన ఇంటర్ నెట్ ని వాడుకోవడం వలన మనకి కావలసిన వెబ్ పేజి నెమ్మదిగా తెరవబడును. ఇంటర్ నెట్ బ్రౌజింగ్ లో ఈ అవాంచిత వ్యాపార ప్రకటనలు(యాడ్స్), పాప్ అప్ లు తొలగించి నట్లయితే మనం మన ఇంటర్ నెట్ బాండ్ విడ్త్ ని మనం పూర్తిగా వాడుకోవచ్చు. ఈ అవాంచిత వ్యాపార ప్రకటనలు(యాడ్స్), పాప్ అప్ లు తొలగించే యాడ్ బ్లాక్ ప్లస్ అను ఒపెన్ సోర్స్ సాఫ్ట్ వేర్ ఉచితంగా పొందవచ్చు. ఈ సాఫ్ట్ వేర్ మనం వాడే వెబ్ విహారిణి(వెబ్ బ్రౌసర్) కి పొడిగింత(యాడ్ ఆన్) లా ఇన్ స్టాల్ చేసుకొని అవాంచిత వ్యాపార ప్రకటనలు లేకుండా చేసుకోవచ్చు. ఈ యాడ్ ఆన్ ఎలా ఉపయోగించాలో ఈ టపాలో వివరించబడింది. ప్రపంచంలో ఎక్కువగా వాడబడుతున్న బ్రౌసర్ యాడ్ ఆన్లలో మెట్టమొదటి స్థానం దీనిదే. ఈ సాఫ్ట్ వేర్ ఫైర్ ఫాక్స్, క్రోం, ఒపెరా, ie వంటి వెబ్ బ్రౌసర్లు మరియు ఆండ్రాయిడ్ లోను ఇన్ స్టాల్ చేసుకోవచ్చు. ఇది పనిచేయు విధానాన్ని క్రింది విడియో లో చూడవచ్చు.

మీ పిల్లలలో విజ్ఞానాన్ని పెంచే సాఫ్ట్ వేర్ ఉచితంగా

 మన కంప్యుటరుని ప్లానిటోరియంగా మార్చుకోవడానికి స్టేల్లారియం అను ఉచిత ఓపెన్ సోర్స్ అనువర్తనం ఉపయోగపడుతుంది. ప్లానిటోరియంలో వలే మన కంప్యుటరునందే స్టేల్లారియంని ఉపయోగించి ఆకాశం, గ్రహాలు, నక్షత్రాలను చూడవచ్చు. పిల్లలకి విజ్ఞానాన్ని పెంపొందించడానికి తోడ్పడును. అన్నిరకాల ఆపరేటింగ్ సిస్టంలలో పనిచేస్తుంది. ఇక ఉబుంటు  వాడేవారు ఉబుంటు సాఫ్ట్వేర్ సెంటర్ నుండి నేరుగా స్తాపించుకోవచ్చు. పూర్తి విశిష్టతలకోసం మరియు డౌన్లోడ్ చేసుకోవడంకోసం స్టేల్లారియం సైటుని దర్శించండి.

ప్రతి రోజు విలువైన ఆండ్రాయిడ్ అప్లికేషన్లు ఉచితంగా మీ కోసం

 ఉచితంగా ఆండ్రాయిడ్ అప్లికేషన్లు లభిస్తున్నప్పటికి కొన్న వెర్షన్లలో ఉన్న అన్ని ఫీచర్లు ఉచిత వెర్షన్లలో పనిచేయవు. అంతేకాకుండా ఉచిత వెర్షన్లలో అనవసరపు ప్రకటనలు(యాడ్) విసిగిస్తుంటాయి. మరి మనం పూర్తి వెర్షన్ని కొనుక్కోవలసిందేనా? 
 అవసరం లేదు. ప్రతి రోజు విలువైన ఆండ్రాయిడ్ అప్లికేషన్లు ఉచితంగా మనం పొందవచ్చు. మనం చేయవలసిందల్లా అమేజాన్ ఆప్ స్టోర్ ని ఇక్కడ నుండి డౌన్లోడ్ చేసుకొని ఇన్ స్టాల్ చేసుకోని, దానిలో నమోదు(రిజిస్టర్) చేసుకోవడమే. అప్పటి నుండి ప్రతి రోజు ఒక కొనే ఆండ్రాయిడ్ అప్లికేషను కొననవసరం లేకుండానే ఉచితంగా పొందవచ్చు. అప్లికేషన్ ని ప్రచారం చేసుకోవడం లో బాగంగా మనకి ఉచితంగా అప్లికేషను అందించబడును. దీనిని ప్లే స్టోర్ కి ప్రత్యామ్నాయంగా వాడుకోవచ్చు.

అమేజాన్ ఆప్ స్టోర్

మీ ఆండ్రాయిడ్ ఫోన్ తో యుట్యూబ్ వీడియోలు డౌన్లోడ్ చేయ్యాలనుకుంటున్నారా?

 సాధారణంగా ఆండ్రాయిడ్ ఫోన్ వాడేవారు గూగుల్ ప్లే లో వెతికి సులభంగా ఎన్నో రకాల అప్లికేషన్లు ఉచితంగా ఇన్ స్టాల్ చేసుకుంటారు. కాని గూగుల్ నిబంధనల వల్ల ప్లే స్టోర్ నుండి యుట్యూబ్ వీడియో డౌన్లోడర్ అప్లికేషన్లు తొలగించబడినాయి. యుట్యూబ్ వీడియో డౌన్లోడర్ ఫర్ ఆండ్రాయిడ్ అన్న అప్లికేషన్ ఇన్ స్టాల్ చేసుకోవడం ద్వారా మనం  యుట్యూబ్ వీడియోలు డౌన్ లోడ్ చేసుకోవచ్చు. 



 యుట్యూబ్ వీడియో డౌన్లోడర్ ఫర్ ఆండ్రాయిడ్ .apk అన్న ఫైల్ని పై లింకు నుండి డౌన్లోడ్ చేసుకోవాలి. ఈ అప్లికేషన్ ఆండ్రాయిడ్ 3 మరియు తదుపరి వెర్షన్లలో పనిచేస్తుంది. ఈ అప్లికేషన్ని ఉపయోగించి యుట్యూబ్ లో వీడియోలు ఏఏ ఫార్మాట్లలో అందుబాటులో ఉన్నాయో ఆయా ఫార్మాట్లలో మనం వీడియోలు డౌన్లోడ్ చేసుకోవచ్చు. అంతేకాకుండా వీడియో నుండి ఆడియోని వేరుచేసి mp3 గా మార్చుకోవచ్చు.  
  "allow installing apps from unknown sources other than Google play" అన్న ఆప్షన్ని ఎంచుకొని తరువాత పైన డౌన్లోడ్ చేసుకొన్న .apk ఫైల్ని ఇన్ స్టాల్ చేసుకోవాలి. యుట్యూబ్ వీడియో డౌన్లోడర్ ఫర్ ఆండ్రాయిడ్ ని ఏదైనా అప్లికేషన్ యొక్క షేర్ ఆప్షన్లో నుండి తెరవవచ్చు. క్రింది చిత్రంలో చూపినట్లు యుట్యూబ్ వీడియోలు డౌన్లోడ్ చేసుకోవచ్చు.

యుట్యూబ్ వీడియో డౌన్లోడర్ ఫర్ ఆండ్రాయిడ్ పనిచేయు విధానము

ఆండ్రాయిడ్ ఫోన్లో మనకు కావలసిన అప్లికేషన్లు ఇన్ స్టాల్ చేయడం ఎలా?

 ఈ రోజుల్లో ఎవరి దగ్గర చూసినా ఆండ్రాయిడ్ ఫోన్లే. ఆండ్రాయిడ్ కి లభ్యమయ్యే ఉచిత అప్లికేషన్ల వలన ఆండ్రాయిడ్ అంత ప్రాచూర్యం లభించింది. నెట్ ఉన్న ఫోన్లో ప్లే స్టోర్ లో వెతికి సులభంగా ఎన్నో రకాల ఉచిత అప్లికేషన్లు ఉచితంగా చాలా సులభంగా ఇన్ స్టాల్ చేసుకోవచ్చు. అంతే కాకుండా ప్లే స్టోర్ లో పుస్తకాలు, సినిమాలు, ఆటలు మరియు అప్లికేషన్లు కొనుక్కోవచ్చు. ఆండ్రాయిడ్ కి ప్లే స్టోర్ మాదిరి అప్లికేషన్ లు చాలానే అందుబాటులో ఉన్నాయి. వాటిని గూర్చి తరువాతి పోస్టులలో చూద్దాం.


 ప్లే స్టోర్ లో ఈ మధ్య చాలా రకాల  అప్లికేషన్లు భధ్రతాకారణాల వలన కానీ నిబంధనలు అతిక్రమించడం వల్లకాని వేరువేరు కారణాలతో తొలగించారు. వాటిని కూడా మనం ఇన్ స్టాల్ చేసుకోవచ్చు. సాధారణంగా ఆండ్రాయిడ్ అప్లికేషన్ మనకి .apk అన్న ఫార్మాట్లో ఉంటుంది. మనకి కావలసిన అప్లికేషన్ల .apk ని మనం నేరుగా డెవలపర్ సైటు నుండి డౌన్లోడ్ చేసుకొవాలి. గూగుల్లో అప్లికేషన్ పేరు ని బట్టి వెదకడం ద్వారా డెవలపర్ సైటుకి సులభంగా వెళ్ళవచ్చు. అక్కడ మన ఫోను యొక్క ఆండ్రాయిడ్ వెర్షన్ కి సరిపడు తాజా వెర్షన్  అప్లికేషన్ యొక్క .apk ఫైల్ ని మనం డౌన్లోడ్ చేసుకొవాలి. కంప్యూటర్లో డౌన్లోడ్ చేసుకొన్నట్లయితే ఆ ఫైల్ ని ఫోన్లో కి డాటా కేబుల్ ద్వారా కాపీ చేసుకోవాలి. .apk ఫైల్ ని ఇన్ స్టాల్ చేసుకొనే ముందు క్రింధి చిత్రంలో చూపినట్లు Settings - Security - Allow installing apps from unknown sources other than Google play అన్న ఆప్షన్ని టిక్ చేసుకోవాలి. తరువాత మనం డౌన్లోడ్ చేసుకొన్న .apk ఫైల్ ని రెండుసార్లు నొక్కినపుడు ఇన్ స్టాల్ చెయ్యాలా అని ఆడుగుతుంది. అప్పుడు ఇన్ స్టాల్ అన్న బటన్ ని నొక్కినపుడు అప్లికేషన్ మన ఫోన్ లో ఇన్ స్టాల్ చేయబడుతుంది.

పాఠశాలల కోసం ఒక ఆపరేటింగ్ సిస్టం

 ఎడ్యుబుంటు అనేది విద్యార్ధుల, పాఠశాలల అవసరాలకు అనుగుణంగా చేయబడిన ఉచిత స్వేచ్ఛా ఆపరేటింగ్ సిస్టం. అందుబాటులో ఉన్న విద్యా సంబంధిత ఉచిత స్వేచ్ఛా సాఫ్ట్వేర్లను ఉబుంటు ఆపరేటింగ్ సిస్టంతో కూర్చి ఆరు నుండి పద్దెనిమిది సంవత్సరాల వారు సులభంగా ఇళ్ళలో, తరగతిగదులలో ఇన్ స్టాల్ చేసుకొని వాడుకొనే విధంగా దీనిని తయారుచేసారు. ఆర్ధిక, సామాజిక పరిస్థితులతో నిమిత్తం లేకుండా జ్ఞానం మరియు నేర్చుకోవడం అనేవి ఉచితంగా అందరికి అందుబాటులో ఉండాలి అని నమ్మే విద్యార్ధుల, ఉపాధ్యాయుల, తల్లిదండ్రుల మరియు డెవలపర్లచే స్వచ్ఛందంగా అభివృధ్ది చేయబడుతుంది. ప్రతి ఆరు నెలలకొకసారి ఉబుంటుతో పాటు ఎడ్యుబుంటు కూడా విడుదలవుతుంది. ఎడ్యుబుంటు యొక్క 32 బిట్ 64 బిట్ డివిడీ ఇమేజిలను ఎవరైనా ఉచితంగా దింపుకోని వాడుకోవచ్చు. క్రింది లంకె నుండి ఎడ్యుబుంటుని నేరుగా లేదా టొరెంట్ ద్వారా దింపుకోవచ్చు.



ఒ చిన్న ఫైర్ ఫాక్స్ ఆట

 ఫైర్ ఫాక్స్ ప్రచారంలో భాగంగా తయారుచేయబడిన రన్ ఫీల్డ్ అన్న చిన్న ఆటని ఇక్కడ ఆడవచ్చు.

ఇక డ్రైవర్ల గురించి వెతకనవసరం లేదు

 డ్రైవర్లు అనేవి మనకంప్యూటర్ లో ఉన్న వివిధ రకాల పరికరాలను పనిచేయించడానికి కావలసిన సాఫ్ట్ వేర్. మనం సాధారణంగా ఆపరేటింగ్ సిస్టం తిరిగి ఇన్ స్టాల్ చేసిన ప్రతిసారి కంప్యూటర్ కొన్నపుడు దానితో వచ్చే సీడి ని ఉపయోగించి డ్రైవర్లను ఇన్ స్టాల్ చేస్తుంటాము. లేదా కంప్యూటర్/ మధర్ బోర్డ్ తయారీదారు వెబ్ సైటు నుండి మనకి కావలసిన డ్రైవర్లని డౌన్లోడ్ చేసుకొని ఇన్ స్టాల్ చేస్తుంటాము. 

  • మీరు కంప్యూటర్ వాడే వారయితే?
  • కంప్యూటర్ సీడి మన దగ్గర నేకపోతే?
  • సీడి ఉన్నప్పటికి ఎప్పుడో కంప్యూటర్ కొన్నప్పుడు వచ్చిన డ్రైవర్లు ఇప్పటి మన ఆపరేటింగ్ సిస్టం కి సరిపోకపోతే?
  • సీడి ఉన్నప్పటికి సీడి డ్రైవ్ చెడిపోతే?
  • డ్రైవర్ల డౌన్లోడ్ గురించి కనీస పరిజ్ఞానంలేకపోతే?
  • తయారీదారు వెబ్ సైటు లో మనకి కావలసిన డ్రైవర్లు లభించకపోతే?
  • డ్రైవర్లు లభించినప్పటికి మనం ఇన్ స్టాల్ చేసుకొన్న ఆపరేటింగ్ సిస్టంకి మధ్దతు లేకపోతే?
  • మీరు కంప్యూటర్లను ఇన్ స్టాల్ చేసేవారయితే?
  • సమయాన్ని ఆధా చేసుకోవాలంటే?
  • ఉచితంగా కావాలా?
  • డెస్క్ టాప్ లేదా లాప్ టాప్ ఒకే నొక్కుతో అన్ని డ్రైవర్లనుఇన్ స్టాల్ చేసుకోవాలంటే? 
  • మనం సాధారణంగా వాడే అన్ని సాఫ్ట్ వేర్లను ఒకే నొక్కుతో ఇన్ స్టాల్ చేసుకోవాలంటే?

మీకు తప్పకుండా ఈ టపా తప్పక చదవాల్సిందే. 


పైన వాటన్నిటికి ఒకే ఒక తరుణోపాయం డ్రైవర్ ప్యాక్ సొల్యూషన్. 

డ్రైవర్ ప్యాక్ సొల్యూషన్ అనేది బహుళ ప్రాచూర్యం పొందిన ఒపెన్ సోర్స్ సాఫ్ట్ వేర్. ఇది మన కంప్యూటర్ 32/64 అయినా, మన లాప్ టాప్ ఏ కంపెనీ దయినా, కంప్యూటర్ ఆపరేటింగ్ సిస్టం తగిన డ్రైవర్లను అటోమెటిక్ గా గుర్తించి చాలా తొందరగా డ్రైవర్లను ఇన్ స్టాల్ చేస్తుంది. అంతేకాకుండా మనకి కావలసిన నిత్యావసర సాఫ్ట్ వేర్లను కూడా ఇన్ స్టాల్ చేసుకోవచ్చు. డ్రైవర్ ప్యాక్ సొల్యూషన్ ఉపయోగించి కొత్తగా రాబోతున్న విండోస్ 8.1 తో కలిపి అన్ని విండోస్ ఆపరేటింగ్ సిస్టం లకి కావలసిన డ్రైవర్లని ఇన్ స్టాల్ చేసుకోవచ్చు. డ్రైవర్ ప్యాక్ సొల్యూషన్ ని ఉపయోగించి డ్రైవర్లని ఇన్ స్టాల్ చేసుకోవడమే కాకుండా డ్రైవర్లని అప్ డేట్ చేసుకూవడం, డ్రైవర్లని బ్యాక్ అప్ చేసుకోవడం కూడా చేయవచ్చు. డ్రైవర్ ప్యాక్ సొల్యూషన్ అనేది మనకి  డ్రైవర్ ప్యాక్ సొల్యూషన్ లైట్, డ్రైవర్ ప్యాక్ సొల్యూషన్ అని రెండు రూపాల్లో లభిస్తుంది. 

 డ్రైవర్ ప్యాక్ సొల్యూషన్ లైట్: ఇది 10Mb ఇన్ స్టాల్ ఫైల్. మన కంప్యూటర్ కి కావలసిన డ్రైవర్లని నెట్ నుండి దింపుకొని ఇన్ స్టాల్ చేసుంది. దీనిని ఇక్కడ నుండి ఉచితంగా డౌన్లోడ్ చేసుకోవచ్చు.

 డ్రైవర్ ప్యాక్ సొల్యూషన్: ఇది 4.4 Gb .iso ఫైల్. పరిమాణం పెద్దదిగా ఉండడం వలన దీనిని టొరెంట్ డౌన్లోడ్ చేసుకోవాలి. దీనిని ఒక సారి డౌన్లోడ్ చేసుకుంటే చాలు నెట్ అనసరం లేకుండా ఎన్ని కంప్యూటర్లలో అయినా డ్రైవర్లని ఇన్ స్టాల్ చేసుకోవచ్చు. దీనికి సంబంధించిన టొరెంట్ ఫైల్ ని ఇక్కడ నుండి డౌన్లోడ్ చేసుకోవచ్చు. ఆ టొరెంట్ ఫైల్ ని ఏదైనా టొరెంట్ క్లయింట్ తో తెరిచి డ్రైవర్ ప్యాక్ సొల్యూషన్ పూర్తి వెర్షన్ని డౌన్లోడ్ చేసుకోవచ్చు. 

డ్రైవర్ ప్యాక్ సొల్యూషన్ 13
 ప్రతీ ఒక్కరికీ ఉపయోగపడే ఈ టపాని క్రింద ఉన్న సదుపాయాన్ని ఉపయోగించి మీ ఫ్రెండ్స్‌తోనూ షేర్ చెయ్యగలరు.

లిబ్రే ఆఫీస్ తో సమయాన్ని ఆదా చేసుకుంటునే పనితీరును మెరుగుపరుచుకోవడానికి

 వేలకువేలు పోసి కొనే వాణిజ్య ఆఫీస్ అనువర్తనాలకు ఉచిత ప్రత్యామ్నాయమే లిబ్రే ఆఫీస్. ఇది ఉచితంగా లభిస్తుంది. ఎవరైనా సులభంగా దీన్ని వాడవచ్చు. చిల్లిగవ్వ కూడా ఇవ్వకుండా ఎన్ని కంప్యూటర్లలో అయిన ఇన్ స్టాల్ చేసుకోవచ్చు. ఎంతమంది కైనా ఇవ్వవచ్చు. ఈమధ్యే లిబ్రే ఆఫీస్ యొక్క సరికొత్త వెర్షను 4.1.1 విడుదలైంది. దీనిని క్రింది లంకె నుండి డౌన్లోడ్ చేసుకోవచ్చు.




 లిబ్రే ఆఫీస్ వాడే వారికోసం డాక్యుమెంట్ ఫౌండేషన్ వారు అందిస్తున్న ఈ ఉచిత టెంప్లెట్లు మన పనిని సులభతరం చేస్తూనే సమయాన్ని కూడా ఆధా చేస్తాయి. మన రోజువారి అవసరాలకి తగిన టెంప్లెట్లు ఇక్కడ అందుబాటులో ఉన్నాయి. రెజ్యూమ్లు, ఇన్ వాయిస్లు, నెలసరి మరియు వార్షిక ఆర్ధిక ప్రణాళికలు, ఫాక్స్ మరియు కవరింగ్ లెటర్లు, బిజినెస్ కార్డులు, వివిధ రకాల ప్రజంటేషన్ స్లైడ్లు వంటి నిత్యావసర టెంప్లెట్లు ఇక్కడ లభిస్తాయి. ముందే తయారుచేయబడిన ఈ టెంప్లెట్లలో మనం మన సమాచారాన్ని ఉంచి వాటిని వాడుకోవచ్చు. అంతే కాకుండా వాటిని మనకు నచ్చినట్లు మార్చుకోవచ్చు. పెద్ద మొత్తంలో వివిధ రకాల టెంప్లెట్లు ఒపెన్ ఆఫీస్ కూడా అందిస్తుంది. వాటిని కూడా మనం లిబ్రే ఆఫీస్ లో కూడా వాడుకోవచ్చు.




వియల్సి ప్లేయర్ గురించి సరదా వీడియో

 వియల్సి ప్లేయర్ గురించి కంప్యూటర్ వాడేవారికి పరిచయం చెయనవసరం లేదు. ఎందుకంటే అంతగా ప్రసిధ్ది చెందినది ఈ ఉచిత స్వేచ్ఛా సాఫ్ట్‌వేర్. దాని గురించిన ఒక సరదా వీడియో మీకోసం.

విద్యార్ధులకి, ఉపాధ్యాయులకి మరియు పరిశోధకులకి ఉపయోగపడే ఉచిత సాఫ్ట్ వేర్

  మానవాళి మనుగడకు ఆయువు పట్టయిన జీవశాస్త్ర ప్రయోగాలు కొత్తపుంతలు తొక్కుతున్న ఈ రోజుల్లో ప్రయోగాలు మనిషి కంటికి కనిపించని సూక్ష్మ స్థాయిలో జరుగుతున్నాయి. సూక్ష్మ స్థాయి అణునిర్మాణలను మన కళ్ళ ముందు ఆవిష్కరించే ఈ ఉచిత సాఫ్ట్ వేర్ విద్యార్ధులకి, ఉపాధ్యాయులకి మరియు పరిశోధకులకి ఉపయోగపడుతుంది. ప్రముఖ 3D మోడలింగ్ ఉచిత స్వేచ్ఛా సాఫ్ట్‌వేర్ అయిన బ్లెండర్ పై నిర్నించిన ఈ బయో బ్లెండర్ కూడా ఉచిత స్వేచ్ఛా సాఫ్ట్‌వేర్. జీవ రసాయన విద్యార్ధులకి, ఉపాధ్యాయులకి మరియు పరిశోధకులకి ఉపయోగపడే విధంగా రూపొందించబడినది. బయో బ్లెండర్ ని ఉపయోగించి శాస్త్రీయ సమాచారం ఆధారంగా ఉన్నత ప్రమాణాలతో 3D అణు ఆకృతులను నిర్మించవచ్చు. అంతేకాకుండా విశ్వవ్యాప్త శాస్త్రజ్ఞుల మరియు పరిశోధకులచే ఏర్పరచబడిన ప్రపంచంలో అతి పెద్ద ప్రోటీన్ల సమాచార బాండాగారం అయిన ప్రోటీన్ డాటా బ్యాంక్ నుండి నేరుగా అణు ఆకృతులని నిర్మాణాలని వాటి సాంకేత పదం ఆధారంగా డౌన్లోడ్ చేసుకోవచ్చు. అణు నిర్మాణం, అమరికల ఆధారంగా అణు ధర్మాలను వాటి కదలికలను విశ్లేషించవచ్చు. బయో బ్లెండర్ని ఉచితంగా డౌన్లోడ్ చేసుకోవచ్చు.



ప్రోటీన్ల సమాచార బాండాగారం (ప్రోటీన్ డాటా బ్యాంక్)

 ప్రోటీన్ల సమాచార బాండాగారం (ప్రోటీన్ డాటా బ్యాంక్) లేదా www.pdb.org అనేది వివిధ రకాల ప్రోటీన్లు, ఎంజైములు,డిఎన్ఎ, ఆర్ ఎన్ ఎ మరియు సంక్లిష్ట అణు నిర్మాణాలను గురించి, వాటి నిర్మాణం మరియు వాటి అమరికల గూర్చి వివరించే సమాచారాన్ని కలిగి ఉన్న ఆన్ లైన్ నిధి. ఇక్కడ విద్యార్ధులకి, ఉపాధ్యాయులకి మరియు పరిశోధకులకి ఉపయోగపడే విలువైన సమాచారం పొందుపరచబడిఉంది. విశ్వవ్యాప్త శాస్త్రజ్ఞుల మరియు పరిశోధకులచే ఏర్పరచబడిన ప్రపంచంలో అతి పెద్ద ప్రోటీన్ల సమాచార బాండాగారం అయిన ప్రోటీన్ డాటా బ్యాంక్ నందు ఇప్పటివరకు 93624 అణువుల నిర్మాణాలు చేర్చబడ్డాయి. మనకి కావలసిన అణువులను సులభంగా వెతకడానికి అనువుగా అమర్చారు. అణువులలో పరమాణువుల వరసలను, వాటి అమరికని, ముడుతలని 3D గా చూడవచ్చు, వాటిని విశ్లేషించవచ్చు మరియు ఉచితంగా డౌన్లోడ్ చేసుకోవచ్చు. ప్రోటీన్ డాటా బ్యాంక్ నుండి డౌన్లోడ్ చేసుకోన్న .pdb ఫైళ్ళను బయో బ్లెండర్ అను ఉచిత స్వేచ్ఛా సాఫ్ట్‌వేర్ ని ఉపయోగించి విశ్లేషించవచ్చు, మార్చవచ్చు. ఇక్కడ ఉన్న సమాచారం ఉపాధ్యాయులు, విద్యార్ధులకి ఆసక్తి కలిగే విధంగా బోధించడానికి కూడా ఉపయోగపడుతుంది.
మానవ హిమోగ్లోబిన్

కొత్తగా రాబోతున్న ఆండ్రాయిడ్ వెర్షన్ కిట్ కాట్

  ప్రపంచంలో ఎక్కువగా వాడబడుతున్న మొబైల్ ఆపరేటింగ్ సిస్టం ఆండ్రాయిడ్. గూగులోడు ఆండ్రాయిడ్ వెర్షన్ ప్రతిదానికి ఏదో ఒక తినుబండారం పేరు పెడుతుండడం మనకి తెలిసిందే. ఆండ్రాయిడ్ 4.1 (జెల్లి బీన్) తరువాత 5.0(కి లైం పీ) అని రకరకాల ఉహాగానాలు వచ్చాయి. కాని తరువాతి వెర్షన్లని ఆండ్రాయిడ్ 4.2 మరియు 4.3 వెర్షన్లను జెల్లి బీన్ గానే విడుదలచేసారు. తరువాతి వెర్షను కూడా 5.0 కాకుండా 4.4 కిట్ కాట్ అని ప్రకటించారు. ఏ ఆండ్రాయిడ్ వెర్షన్ కి ఏ తినుబండారం పేరు పెట్టారో ఇక్కడ చూడవచ్చు.