తెలుగు అక్షరాలను మాటలుగా మార్చడానికి

ఆంగ్ల అక్షరాలను చదివి వినిపించగలిగే సాఫ్ట్‌వేర్లు చాలానే ఉన్నప్పటికి భారతీయ భాషలను చదివివినిపించే సాఫ్ట్‌వేర్లు తక్కువగా ఉన్నాయి. అందులోను తెలుగులో ఆ సౌకర్యం ఇంకా తక్కువ. తెలుగు అక్షరాలను అంటే పాఠ్యాన్ని ఇన్‌పుట్‌గా ఇస్తే దానిని చదివి ధ్వని రూపంలో అవుట్‌పుట్‌ని అందించే సాఫ్ట్‌వేర్‌ ఈ టెక్స్‌ట్ టు స్పీచ్ సిస్టం. హైదరాబాద్ ఐఐఐటి కి
చెందిన కిషోర్ తయారుచేసిన  ఈ ఆన్‌లైన్ పరికరాన్ని మనం ఇక్కడ ఉచితంగా వాడుకోవచ్చు. ఈ వెబ్‌పేజిలో మనం తెలుగు పాఠ్యాన్ని ఇచ్చి ప్లే అన్న మీటను నొక్కినపుడు ఆ అక్షరాలను మనకు చదివి వినిపిస్తుంది. అంతేకాకుండా దాన్ని మనం ఆడియో పైల్ రూపంలో డౌన్‌లోడ్ చేసుకోవచ్చు. అలాగే మాటలను స్త్రీ, పురుష గొంతుకులతో వినవచ్చు.